२०७८ कात्तिक २९ गते ६:२८ 
काठमाडौं । साविक उपविजेता क्रोएसिया अर्को वर्ष कतारमा हुने पिफा विश्वकपका लागि छनोट भएको छ ।
युरोपियन छनोटअन्तर्गत आइतबार भएको खेलमा रसियालाई १-० ले पराजित गर्दै क्रोएसिया समूह एचबाट शीर्ष स्थानमा रहेर विश्वकपमा छनोट भएको हो ।
घरेलु मैदानमा भएको खेलमा क्रोएसियाले आत्मघाती गोलको मद्दतमा जित हात पारेको हो ।
रसियाका फेडोर कुड्रयासोभ ८१औं मिनेटमा आत्मघाती गोल गर्दा क्रोएसियाले अग्रता बनाएको थियो ।
खेलअघि रसिया समूह एचमा २२ अंकसहित शीर्ष स्थानमा थियो । क्रोएसिया दुई अंक पछि थियो । रसियालाई बराबरी पनि पर्याप्त थियो ।
तर जितपछि २३ अंक जोड्दै क्रोएसिया विश्वकपमा छनोट भयो ।
प्रतिक्रिया 4