२२ फागुन, काठमाडौं । प्रधानन्यायाधीश चोलेन्द्रशमशेर जबराविरुद्धको महाअभियोग प्रस्तावमाथि छलफल गर्न गठित महाअभियोग सिफारिस समितिमा प्रमुख प्रतिपक्षी दल नेकपा एमालेका सांसद पनि सहभागी हुने भएका छन् ।
आइतबार बस्ने प्रतिनिधिसभाले ११ सदस्यीय महाअभियोग सिफारिस समिति गठन गर्दैछ । जसमा नेकपा एमालेका ४ सांसद रहने छन् ।
एमाले संसदीय दलका प्रमुख सचेतक विशाल भट्टराईले सिफारिस समितिमा नाम पठाउने बताए । पार्टीमा छलफल गरेर सांसदहरुले नाम दिने उनले बताए ।
१ फागुनमा नेपाली कांग्रेस र नेकपा माओवादी केन्द्रका सांसदहरुले प्रधानन्यायाधीश जबराविरुद्ध महाअभियोग प्रस्ताव दर्ता गराएका थिए ।
सो प्रस्तावमाथि छलफल गर्न गठन गर्न लागेको समितिमा सत्तारुढ नेपाली कांग्रेस र नेकपा माओवादी केन्द्रका २–२ सांसद रहनेछन् । त्यस्तै एकीकृत समाजवादी पार्टी, जनता समाजवादी पार्टी र लोकतान्त्रिक समाजवादी पार्टीबाट एक एक सांसद रहनेछन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4