+
+

दयाहाङ राई निर्देशित नाटक ‘मीतज्यू’को मञ्चन भोलिदेखि

अनलाइनखबर अनलाइनखबर
२०७८ चैत ७ गते १६:३८

काठमाडौं । दयाहाङ राई निर्देशित नाटक ‘मीतज्यू’ मंगलबारदेखि मण्डला थिएटरमा मञ्चन हुने भएको छ । यो नाटक चैत १३ गतेसम्म प्रत्येक दिन बेलुका ५ बजेदेखि मञ्चन हुने जनाइएको छ ।

सोमनाथ खनालले लेखेको नाटकमा बुद्धि तामाङ, विजय बराल र सिर्जना सुब्बाको मुख्य भूमिका छ । यसअघि मञ्चन हुँदाहुँदै कोरोना संक्रमण नियन्त्रणका लागि लगाइएको निषेधाज्ञाका कारण मञ्चन रोेकिएको थियो ।

दर्शकलाई इन्गेज तुल्याइराख्न मण्डलाले युट्युबबाट भर्चुअल रुपमा यो नाटकको प्रिमियर समेत गरेको थियो । सात वर्षअघि मञ्चन भइसकेको नाटकमा केही परिमार्जन गर्दै पुनः देखाउन लागिएको हो । नाटकले मितेरी साइनोको कथा भन्छ ।

थापागाउँस्थित मण्डलाको नयाँ हलमा यस महिनादेखि नाटक मञ्चन सुरु भएको छ । अहिले कौसी, कीर्तिपुर र आरोहण गुरुकुलमा समेत नाटक मञ्चन भइरहेको छ । कीर्तिपुर थिएटरमा पारिजातको चर्चित उपन्यास ‘शिरिषको फूल’मा आधारित नाटक मञ्चन भइरहेको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?