+
+

स्वयम्भूमा ‘के घर के डेरा’को शुभमुहूर्त, छायांकन जेठ २ देखि

अनलाइनखबर अनलाइनखबर
२०७९ वैशाख २३ गते १४:०५

काठमाडौं । ‘पशुपति प्रसाद’ फेम्ड दीपेन्द्र के खनालले निर्देशन गर्ने फिल्म ‘के घर के डेरा’को छायांकन जेठ २ गतेदेखि सुरु हुने भएको छ । शुक्रबार स्वयम्भूमा सोसल ड्रामा फिल्मको शुभमुहूर्त गरिएको हो ।

कोरोना महामारीले छायांकन प्रभावित भएको फिल्म दुई वर्षपछि अन्ततः फ्लोरमा जान लागेको हो । निर्देशक र कलाकारमा व्यापक हेरेफेर गर्दै फिल्मको सुटिङ सुरु हुन लागेको हो ।

दयाहाङ राई, विपिन कार्की, सुरक्षा पन्त, रविन्द्र झा, वर्षा राउत र लक्ष्मी गिरीको मुख्य भूमिका रहने फिल्मको निर्माता शरद् श्रेष्ठ हुन् । फिल्मले झण्डै ४० लाख जनसंख्या रहेको काठमाडौंमा घर हुने र घर नहुनेबीचको असमान जीवनशैलीको कथा भन्छ ।

महेश दवाडीको पटकथा र सिंगे लामाको कथा रहेको फिल्मलाई ए प्लस इन्टरटेनमेन्टको ब्यानरमा निर्माण गर्न लागिएको हो ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?