+
+

भारतको प्रस्तावमा साफ महिला च्याम्पियनसिप एक साता पछि सारियो

अनलाइनखबर अनलाइनखबर
२०७९ साउन २ गते १७:४६

२ साउन, काठमाडौं । नेपालमा हुने तय भएको छैठौं दक्षिण एसियाली महिला फुटबल च्याम्पियनसिपको मिति एक साता पछि सारिएको छ ।

अल इण्डिया फुटबल फेडेरेसनको प्रस्तावमा आयोजक देश नेपालसँग सल्लाह गरी दक्षिण एसियाली फुटबल महासंघले प्रतियोगिता सार्ने निर्णय गरेको हो ।

यसअघि भदौ १३ देखि २५ सम्मका लागि तय भएको प्रतियोगिता अब भदौ २१ देखि असोज ३ गतेसम्म आयोजना हुनेछ । यसबारे साफका सबै सदस्य राष्ट्रलाई जानकारी गराइसकिएको छ ।

बंगलादेशको ढाकामा बसेको साफ कार्यकारी समितिको बैठकबाट प्रतियोगिता आयोजनाको जिम्मेबारी नेपालले पाए पनि कहाँ गर्ने भन्नेबारे टुंगो लागेको छैन ।

यसअघि नेपालमै भएको पाँचौं संस्करण विराटनगरमा आयोजना गरिएको थियो ।

आयोजनाका लागि आवश्यक निर्णय गर्न सोमबार बोलाइएको अखिल नेपाल फुटबल संघ (एन्फा) कार्यसमिति बैठक अध्यक्ष पंकज विक्रम नेम्वाङ अस्वस्थ भएपछि स्थगित गरिएको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?