प्रजनन् क्षमता बढाउन पुरुषले कस्ता खानेकुरा खाने ?
२०७९ साउन २२ गते १७:१७ 
हरेक पुरुषले सुन्दर परिकल्पना गरेको हुन्छ, आफू एक दिन बुवा बनुँ भनेर । तर विभिन्न कारणले पुरुषको सन्तान उत्पादन गर्ने क्षमतामा कमी आइरहेको हुन्छ । कामको तनाव, अनिद्रा, धुम्रपान तथा मद्यपान सेवन जस्ता अव्यवस्थित जीवनशैलीले पुरुषको शुक्रकीट कमजोर बन्दै गइरहेको हुनसक्छ ।
बाँझोपनको समस्या महिलामा मात्रै होइन पुरुषमा पनि हुन्छ । पछिल्लो समय यस्तो समस्या अरु बढिरहेको छ । अहिले पुरुषको प्रजनन् क्षमता बढाउने भन्दै बजारमा विभिन्न औषधि उपलब्ध छन् । तर ती औषधिमा प्रयोग गरिएको केमिकलका कारण पुरुषको प्रजनन् स्वास्थ्य मात्रै नभई समग्र स्वास्थ्यमा गम्भीर असर पर्न सक्छ ।
बजारमा उपलब्ध औषधिको सेवनले भन्दा प्राकृतिक विधि र पद्धतिबाट प्रजनन् क्षमता बढाउने उपचार स्वास्थ्यका लागि फाइदाजनक हुन्छ ।
पुरुषमा प्रजनन् क्षमता कमजोर हुनुका कारण
-बढी व्यायाम
-धुम्रपान
-मोटोपन
-संक्रमण
-डाइबिटिज
-असन्तुलित खाना
-हर्मोनल असन्तुलन
-क्यान्सर
-वंशाणुगत रोग
प्रजनन् क्षमता बढाउने खानेकुरा
गाईको घिउ
गाईको घिउले पुरुषको प्रजनन् क्षमता बढाउँछ । घिउमा पाइने पोषक तत्वले पुरुषमा शक्ति बढाउने काम गर्छ । यसमा फाइटोन्युट्रिएन्स अर्थात् प्रजनन् क्षमता बढाउने तत्व पाइन्छ । प्रतिदिन दुईदेखि तीन चम्चा गाईको घिउ सेवन गर्दा प्रजनन् क्षमता बढ्छ ।
फर्सीको बीउ
फर्सीको बीउमा जिंक पाइन्छ । यसको सेवनले वीर्यको गुणस्तरमा सुधार ल्याउँछ । जिंकले वीर्य बिग्रिनबाट बचाउने काम गर्छ । बीउमा एन्टिअक्सिडेन्ट उच्च मात्रामा पाइने भएकाले टेस्टोस्टेरोनको मात्रालाई स्वस्थ र मजबुत राख्न मद्दत गर्छ ।
त्रिफला र जाइफल
त्रिफला र जाइफलको नियमित सेवनले पुरुषको प्रजनन् क्षमतामा सुधार ल्याउँछ । त्रिफलाले हर्मोनल असन्तुलनलाई नियन्त्रण गर्नुका साथै डिप्रेसन तथा एन्जाइटीजस्ता रोगबाट समेत बचाउन सहयोग गर्छ ।
अमला
प्रजनन् क्षमता कजोर भएका पुरुषले अमलाको सेवन गर्नु फाइदाजनक मानिन्छ । अमलामा प्रशस्त मात्रामा भिटामिन सी पाइने हुँदा यसले वीर्य बढाउने काम गर्छ । अमलाको सेवनले वीर्यलाई तीव्र गतिमा अण्डकोषतिर प्रवेश गराउँछ । पुरुषले साताको तीन-चार पटक अमला खाए प्रजनन् क्षमता बढ्छ ।
अश्रगन्धा
अश्रुगन्धामा प्रचुर मात्रामा एन्टिअक्सिडेन्ट, एन्टि इम्फ्लेमेन्टरी र एन्टि ब्याक्टेरियल गुण पाइन्छन्, जसले प्रजनन् क्षमता बढाउन मद्दत गर्छ । अश्रुगन्धामा फाइबर, प्रोट्रिन, कार्र्बोहाइड्रेट, आइरन, क्याल्सियम र भिटामिन सी पाइन्छ । यसको नियमित सेवनले प्रजनन् क्षमता बढाउन सहयोग गर्छ ।
सन्तुलित भोजन
प्रजनन् क्षमतालाई बचाइराख्न र बढाउनमा सन्तुलित भोजनको महत्वपूर्ण भूमिका हुन्छ । सन्तुलित र ताजा खानासँग फलफूल, तरकारी, नरिवल, दूध, बदाम, ओखर, खजुरजस्ता खानेकुराले पुरुषको प्रजनन् क्षमता बढाउन सहयोग गर्छन् । यी खाद्यपदार्थले शुक्रकीट बढाउन मद्दत गर्छन् ।
ओन्ली माइ हेल्थबाट
प्रतिक्रिया 4