सारेगम लिटिल च्याम्प्स विजेता कृपाको स्वरमा ‘तिमीसँग एकैछिन’ सार्वजनिक

काठमाडौं । बालबालिकाको गायन रियालिटी शो सारेगमप लिटिल च्याम्प्सकी विजेता कृपा पौडेलको नयाँ गीत सार्वजनिक भएको छ ।

‘तिमीसँग एकछिन’ बोलको गीतमा मन्दिरा ढुंगेलको शब्द, कल्याण सिंहको संगीत र दीक्षित पौडेलको एरेन्ज रहेको छ । राजीव लोहनीले निर्देशन गरेको गीतको भिडियोमा कृपाका साथै सुप्रवराज जोशी, कृष्ण लोहनी, सोनाली शिल्पकार र भवानी शिल्पकारले अभिनय गरेका छन् ।

भवानी शिल्पकारले खिचेको भिडियोलाई निनय दाहालले सम्पादन गरेका छन् ।