बानेश्वर प्लाजामा भूमिगत पार्किङ खुल्यो

७ असोज, काठमाडौं । बानेश्वर प्लाजामा भूमिगत पार्किङ सुरु भएको छ । यसअघि पसल व्यवसाय चलिरहेको ठाउँमा पार्किङ सुरु भएको हो ।

भूमिगत पार्किङको औपचारिक उद्घाटन गरिएको नयाँ बानेश्वर व्यापार व्यवसायी संघले जनाएको छ । संघका अध्यक्ष नवीन लुइँटेलका अनुसार सबै भूमिगत पार्किङहरु सञ्चालनमा आएपछि बानेश्वर चोकमा हाल भइरहेको अव्यवस्थित पार्किङको ८० प्रतिशत समाधान हुने अनुमान गरिएको छ ।

‘यहाँबाट काठमाडौंको भूमिगत पार्किङ खोल्ने कामको सुरुवात भएको थियो,’ उनले भने, ‘सबै भूमिगत पार्किङहरु तोकिएको प्रयोजनमै आए भने बानेश्वरको अव्यवस्थित पार्किङको समस्या धेरै हदसम्म समाधान हुन्छ ।’