+
+

काठमाडौं महानगरका ३२ वटै वडामा कोरोना खोप बुस्टर डोज अभियान

अनलाइनखबर अनलाइनखबर
२०७९ फागुन ३० गते १६:१३
फाइल तस्वीर

काठमाडौं । काठमाडौं महानगरपालिकाले सञ्चालन गरेको कोरोनाविरुद्धको खोपको तीनदिने बुस्टर डोज अभियान सम्पन्न भएको छ ।

गत आइतबारदेखि मंगलबारसम्म महानगरका ३२ वटै वडामा खोप अभियान सञ्चालन गरेको सामुदायिक सहरी स्वास्थ्य क्लिनिककी इन्चार्ज सिर्जना खरेलले जानकारी दिइन् । कोरोनाविरुद्धको खोपको दुई मात्रा लगाएर बुस्टर डोज लगाउन छुटेकालाई अमेरिकाको फाइजर खोप लगाइएको उनले बताइन् ।

यसअघि कोभिशिल्ड वा भेरोसेल जुनसुकै खोप लगाएको भएपनि फाइजरको बुस्टर डोज लगाउन सकिने जनाइएको छ । यसका लागि अघिल्ला मात्रा खोप लगाइसकेको कार्ड अनिवार्य गरिएको छ भने खोप लगाएको अवधि ६ महिना पुगेको हुनुपर्नेछ ।

पहिलो र दोस्रो मात्रा लगाउनेको संख्या अत्यधिक भएपनि कोरोना संक्रमण कम भएसँगै बुस्टर डोज लगाउन आउनेको संख्या निकै कम देखिएकाले यो अभियान सञ्चालन गरिएको महानगरले जनाएको छ । अभियान सकिएपनि देशभरका अस्पतालबाट कोरोनाविरुद्धको बुस्टर डोज लगाउन सकिनेछ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?