+
+
फ्राइडे रिलिज :

हलमा लागे नीरफूल, हेम्जाकोट र ट्रान्सफर्मर्स

अनलाइनखबर अनलाइनखबर
२०८० जेठ २६ गते १२:०८

काठमाडौं । शुक्रबारदेखि नेपालमा तीन नयाँ फिल्म प्रदर्शनमा आएका छन् । दुई नेपाली फिल्महरु ‘नीरफूल’ र ‘वेलकम टु हेम्जाकोट’ र हलिउडको ‘ट्रान्सफर्मर्स : राइज अफ द बिस्ट्स’ छन् । भिन्न जनराका यी तीन फिल्म अलग स्वाद रुचाउने दर्शकका लागि रुचिकर हुन सक्छन् ।

फूलमान बल निर्देशित ‘नीरफूल’ले २०७२ सालमा आएको विनाशकारी भूकम्पले धादिङको उत्तरी रुबीभ्यालीको एक परिवारमा ल्याएको असरको कथा भन्छ । दयाहाङ राई, शान्ति वाइबा र जिग्मे छ्योकी घिसिङको शीर्ष भूमिका रहेको यो फिल्म भूकम्पपछिको ग्रामीण सेटिङमा निर्माण भएको छ ।

रुबी उपत्यकाका गोठालाहरूको सानो र सुन्दर परिवारमा बुबा (दयाहाङ राई), आमा (शान्ति वाइबा) र एउटी छोरी (जिग्मे छ्योकी) छन् । आकांक्षा ठूलो हुँदै गएपछि बुबाले भेडापालन छाडेर छोरीलाई राम्रो शिक्षा दिने र श्रीमतीका लागि स्याफ्रुबेसीमा घर बनाउने आशा लिएर विदेश उडेका छन् । तर गाउँमा अचानक आएको विनाशकारी भूकम्पले परिवार टुटेको छ । के आमा, छोरी र बुबाको पुनः मिलन हुनेछ ? यी तीन पात्रको कथालाई फिल्म ‘नीरफूल’मा प्रस्तुत गरिएको छ ।

प्यारेन्टल गाइड अर्थात् पीजी (बाल दर्शकले अभिभावकको साथमा हेर्नुपर्ने) रेटिङ प्राप्त गरेको यो फिल्मको लम्बाइ १३३ मिनेट छ । यसलाई ड्रामा जनरामा राखिएको छ ।

ड्रामा जनरामा राखिएको ‘वेलकम टु हेम्जाकोट’लाई सरोज पौडेलले निर्देशन गरेका हुन् । विनोद न्यौपाने, बुद्धि तामाङ, सन्दीप सिग्देल र अम्बिका तामाङको शीर्ष भूमिका रहेको फिल्मले कास्कीको हेम्जाकोट गाउँका तीन मिल्ने केटा साथीको कथा भन्छ । केही वर्षअघि रुकुम जिल्लामा अन्तरजातीय प्रेमका कारण भएको घटनासँग मिल्दोजुल्दो मध्यमवर्गीय युवायुवतीको संघर्ष र अन्तरजातीय प्रेमको कथावस्तुमा यो फिल्म आधारित छ ।

पीजी सर्टिफिकेट पाएको यो फिल्मको लम्बाइ दुई घण्टा १५ मिनेट छ ।

साइन्स फिक्सन र एक्सन जनरामा निर्माण भएको हलिउडको ‘ट्रान्सफर्मर्स : राइज अफ द बिस्ट्स’ पनि शुक्रबारदेखि नेपाली हलमा प्रदर्शनमा आएको छ । स्टिभन क्यापल निर्देशित यो फिल्मको शीर्ष भूमिकामा एन्थोनी रामोस, डोमिनिक फिसब्याक, डोमिनिक डी रोसाको शीर्ष भूमिका छ ।

जब ट्रान्सफर्मर्सको नयाँ नश्ल अटोबोट्स म्याक्सिमल्स सन् १९९० मा भिड्छन्, तब यी दुईबीचको लडाइँ अर्को चरणमा प्रवेश गर्छ । यसले ट्रान्सफर्मर कथामा नयाँ युगको सुरुवात गरेको छ । पीजी सर्टिफिकेट पाएको यो फिल्मको लम्बाइ १२७ मिनेट छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?