५ पुस, काठमाडौं । सर्जि रोबर्टोले दुई गोल गरेपछि स्पानिस ला लिगामा बार्सिलोनाले अंक तालिकामा पुछारमा रहेको अल्मेरियामाथि ३-२ को कठिन जित हात पारेको छ ।
घरेलु मैदानमा बार्सिलोनाले दुई पटक अग्रता लिँदा अल्मेरियाले बराबरी गोल फर्काउँदै खेल प्रतिस्पर्धात्मक बनाएको थियो ।
रफिन्हाले ३३औं मिनेटमा गोल गर्दै बार्सिलोनालाई अग्रता दिलाएका थिए । तर ४१औं मिने६मा अल्मेरियाका लिओ बाप्टिस्ताओले बराबरी गोल फर्काए ।
६०औं मिनेटमा सर्जि रोबर्टोले रफिन्हाकै पासमा गोल गर्दै बार्सिलोनालाई २-१ को अग्रता दिलाएका थिए । ७१औं मिनेटमा अल्मेरियाले फेरि बराबरी गर्यो । यस पटक एडगार गोन्जालेजले गोल गरे ।
तर ८३औं मिनेटमा सर्जि रोबर्टोले रोवर्ट लेवान्डोस्कीको पासमा गोल गर्दै बार्सिलोनालाई जित दिलाए ।
जितपछि बार्सिलोनाले १८ खेलबाट ३८ अंक छ र तेस्रो स्थानमै कायम छ ।
बार्सिलोना अझै लिग लिडर जिरोना भन्दा ६ र दोस्रो स्थानको रियल मड्रिड भन्दा ४ अंकले पछि छ ।
प्रतिक्रिया 4