बार्सिलोना कोपा डेल रे को अन्तिम १६ मा

२३ पुस, काठमाडौं । चौथो श्रेणीको बारबास्ट्रोविरुद्ध कठिन जित निकाल्दै ला लिगाको क्लब बार्सिलोना कोपा डेल रे फुटबलको अन्तिम १६ मा प्रवेश गरेको छ ।

बारबास्ट्रोको मैदानमा भएको खेलमा बार्सिलोनाका लागि फरमिन लोपेजले १८औं, राफिन्हाले ५१औं र रोवर्ट लेवान्डोस्कीले इन्जुरी टाइमको पहिलो मिनेटमा गोल गरे ।

बारबास्ट्रवका लागि एड्रिया डे मेसाले ६०औं र मार्क प्राटले इन्जुरी टाइमको तेस्रो मिनेटमा गोल गरे ।

बार्सिलोनासहित ला लिगाकै कुल १४ क्लबले अन्तिम १६ मा स्थान बनाइसकेका छन् । दोस्रो श्रेणीको टेनेरेफले पनि अन्तिम १६ मा स्थान बनाएको छ ।

अब ला लिगाको भियारियाल र तेस्रो श्रेणीको युनिओनिस्टासबीच अन्तिम ३२ को एक खेल हुन बाँकी छ ।