२०८० चैत २० गते १६:१४ 
२० चैत, काठमाडौं । राष्ट्रिय खेलकुद परिषद् (राखेप)ले आफ्नो स्वीकृति विना पदाधिकारी विदेश पठाएको सम्बन्धमा अखिल नेपाल फुटबल संघ (एन्फा)लाई स्पष्टीकरण साेधेको थियो ।
३ दिनको समय दिएर १५ चैतमा स्पष्टीकरण सोधे पनि तोकिएको समयावधिपछि पनि एन्फाले स्पष्टीकरण पठाएको छैन ।
बिदाको दिन बाहेक १८ चैतसम्म राखेपमा जवाफ पुग्नुपर्ने थियो । तर आज (२० चैत) सम्म पनि स्पष्टीकरण नआएको राखेपले बताएको छ ।
‘मन्त्रालयको चिठी बमोजिम हामीले पुनः पत्र पठाएका हौं । तर हालसम्म जवाफ आएको छैन,’ राखेप संघसंस्था समन्वय शाखा प्रमुख चन्द्रकुमार राईले अनलाइनखबरसँग भने ।
प्रतिक्रिया 4