कराँतेको मुख्य प्रशिक्षकमा दिपक श्रेष्ठ नियुक्त

२४ साउन, काठमाडौं। राष्ट्रिय खेलकुद परिषद्ले कराँते खेलको मुख्य प्रशिक्षकमा दिपक श्रेष्ठलाई नियुक्ति गरेको छ ।

सदस्य सचिव स्तरीय निर्णय अनुसार श्रेष्ठलाई मुख्य प्रशिक्षकको जिम्मेवारी दिएको तालिम तथा प्रशिक्षण विभाग प्रमुख प्रचण्ड शर्माले जानकारी दिए ।

कराँतेका नायव वरिष्ठ प्रशिक्षक श्रेष्ठ यसअघि सहायक मुख्य प्रशिक्षकका रुपमा कार्यरत थिए ।

कराँतेको मुख्य प्रशिक्षक रहेका तुल्सी महर्जन उमेर हदका कारण अवकास पाएपछि केही महिनादेखि कराँते मुख्य प्रशिक्षकको पद खाली थियो ।