२०८१ कात्तिक ९ गते १६:४७ 
९ कात्तिक, काठमाडौं । दक्षिण कोरियामा भएको एसिया प्यासिफिक ट्रेल रनिङ च्याम्पियनसिपको सर्ट रेस (४० किमी) महिलातर्फ नेपाली अल्ट्रा धावक प्रिया राई दोस्रो भएकी छन् ।
शुक्रबार भएको रेस प्रियाले ३ घण्टा ४१ मिनेट २२ सेकेण्डमा पूरा गर्दै दोस्रो भएकी हुन् । प्रियाले केही समयअघि मलेसियामा भएको एसिया ट्रेल मास्टरमा उपाधि जितेकी थिइन् ।
पहिलो र तेस्रो स्थानमा जापानी धावक रहे । जापानकी ताकाको ताकामुरा ४ घण्टा ३६ मिनेट २३ सेकेण्डमा दौड पूरा गरी विजेता बनिन् । यस्तै जापानकै होनोका अकियामा ४ घण्टा ५३ मिनेट ०७ सेकेण्डमा दौड पूरा गरी तेस्रो भइन् ।
पहिलो पटक आयोजना भइरहेको एसिया प्यासिफिक ट्रेल रनिङ च्याम्पियनसिपमा नेपालबाट प्रियासहित ६ धावक सहभागि छन् । ४० किमीमा पुरुषतर्फ तिलक सुनारले प्रतिस्पर्धा गरेका थिए ।
यस्तै च्याम्पियनसिपमा नेपालबाट रशिला तामाङ, मनकुमार मगर, गोपाल तामाङ लामा र तीर्थ तामाङले ८० किमि दौडमा प्रतिस्पर्धा गर्नेछन् ।
प्रतिक्रिया 4