+

काभा पुरुष भलिबल क्लब च्याम्पियनसिपको ट्रफी सार्वजनिक

२०८१ मंसिर  १९ गते २१:१५ २०८१ मंसिर १९ गते २१:१५
काभा पुरुष भलिबल क्लब च्याम्पियनसिपको ट्रफी सार्वजनिक

१९ मंसिर, काठमाडौं । काभा पुरुष भलिबल क्लब च्याम्पियनसिपको ट्रफी सार्वजनिक गरिएको छ ।

बुधबार एक कार्यक्रम गरी राष्ट्रिय खेलकुद परिषद् (राखेप) का सदस्य सचिव टंकलाल घिसिङको उपस्थितिमा ट्रफी सार्वजनिक गरिएको हो ।

काभा पुरुष भलिबल क्लब च्याम्पियनसिप यही मंसिर २३ गतेदेखि त्रिपुरेश्वरस्थित राखेपको कभर्डहलमा सुरू हुँदैछ ।

प्रतियोगितामा दुई नेपाली र तीन विदेशी गरी पाँच टिम सहभागी हुने छन् । नेपालबाट एनभिए लिग विजेता हेल्प नेपाल स्पोर्ट्स क्लब र उपविजेता गण्डकी प्रदेशले सहभागिता जनाउने छन् । त्यसैगरी ईरानबाट चादाैर मालो क्लब, भारतबाट कालिकट हिरोज र माल्दिभ्सबाट एचडीसी क्लबले सहभागिता जनाउने छन् ।

प्रतियोगिताका लागि करिब १ करोड खर्च हुने र राष्ट्रिय खेलकुद परिषदबाट २५ लाख अनुदान प्राप्त गर्ने नेपाल भलिबल संघका महासचिव रोशन श्रेष्ठले जानकारी दिए ।

काभा पुरुष क्लब भलिबल पहिलोपटक हुन लागेको हो । नेपालमा यस वर्ष आयोजना हुन लागेको यो दोस्रो काभा प्रतियोगिता हो । यसअघि काभा वुमन्स नेसन्स लिग आयोजना भएको थियो ।

काभा पुरुष भलिबल

धेरै कमेन्ट गरिएका

लेखक
अनलाइनखबर
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय