२०८१ पुष ८ गते १३:०१ 
काठमाडौं । छाला तथा यौनरोग विशेषज्ञ डा. मोहन भुसाल डर्म लिंक ग्रान्ट अवार्डबाट सम्मानित भएका छन् । उनलाई डिसेम्बरमा अन्तर्राष्ट्रिय डर्माटोलोजिकल सोसाइटिज (आईएलडीएस) र इन्टरनेसनल फाउन्डेसन अफ डर्माटोलोजी (आईएफडी)ले सो अवार्डले सम्मान गरेको हो ।
सो प्रतिष्ठित अवार्ड हरेक वर्ष विश्वभरका १५ उत्कृष्ट परियोजनाहरूलाई प्रदान गरिन्छ । जसमा यस वर्ष डा. भुसालको परियोजना छनोट भएको हो । डा. भुसालले परियोजनाका लागि पाँच हजार अमेरिकी डलर रकम प्राप्त गरेका छन् ।
प्राप्त नगद पुरस्कारले नेपालमा स्टेरोइड तथा अन्य छालासम्बन्धी औषधिको चरम दुरुपयोग र त्यसले छाला स्वास्थ्यमा पार्ने नकारात्मक असरबारे जनचेतना फैलाउन सामुदायिक पहलका लागि प्रयोग गर्ने भएका छन् ।
उनको सो परियोजनाले नेपालमा छाला रोगसम्बन्धी सेवा र सचेतानामा ठूलो सहयोग पुग्ने विश्वास व्यक्त गरेका छन् ।
प्रतिक्रिया 4