२०८१ चैत ३१ गते १४:४६ 
३१ चैत, काठमाडौं । कप्तान नरेन भट्टको अर्धशतकमा नेपालले आईसीसी यू–१९ विश्वकप एसिया छनोटअन्तर्गत पहिलो खेलमा यूएईलाई २०१ रनको लक्ष्य दिएको छ ।
तल्लो मुलपानी क्रिकेट मैदानमा वेट आउटफिल्डका कारण ढिला सुरु भएर ४० ओभरमा घटाइएको खेलमा नेपालले ९ विकेट गुमाएर २०० रन बनायो ।
कप्तान नरेनले ६७ रन बनाए । ७५ बल खेलेका उनले ७ चौका प्रहार गरे । दिलसाद अलीले ३४ तथा साहिल पटेलले ३२ रन बनाए ।
यूएईका उदिस सुरीले ८ ओभरमा २६ रन दिएर ३ विकेट लिए । युग शर्मा र शालोम डिसुजाले २(२ तथा अलीअस्घर शुम्स र करण धिमानले १-१ विकेट लिए ।
आजै माथिल्लो मुलपानीमा भएको अर्को खेलमा अफगानिस्तानले ओमानलाई हराएर विजयी सुरुवात गरिसकेको छ ।
प्रतिक्रिया 4