२०८२ वैशाख १० गते १०:४३ 
१० वैशाख, काठमाडौं । डानी ओल्मोको एक मात्र गोलमा लिग लिडर बार्सिलोनाले स्पानिस ला लिगामा मायोर्कालाई १-० ले पराजित गर्दै ७ अंकको अग्रता बनाएको छ ।
घरेलु मैदानमा गएराति भएको खेलमा बार्सिलोनाका लागि ओल्मोले दोस्रो हाफ सुरु भएको ४१ सेकेण्डमै गोल गरेका थिए । पहिलो हाफमा २४ सट प्रहार गर्दा पनि गोल गर्न नसकेको बार्सिलोनाका लागि ओल्मोको त्यही गोल ३ अंक दिलाउन पर्याप्त बन्यो ।
मायोर्काका गोलकिपर लियो रोमनले केही उत्कृष्ट बचाउ गर्दा बार्सिलोनाले अग्रता बढाउने अवसर गुमाएको थियो ।
जितपछि बार्सिलोनाले ३३ खेलबाट ७६ अंक जोडेको छ । एक खेल कम खेलेको रियल मड्रिड ६९ अंकसहित दोस्रो स्थानमा छ ।
रियल मड्रिडले बुधबार गेटाफेसँग खेल्दैछ र अंक दूरी कम बनाउने अवसर छ ।
प्रतिक्रिया 4