नीति तथा कार्यक्रममा राम्रा सुझाव नसमेटिने मेरो शंका सत्य भयो : सोबिता

Quick Summary

AI-generated by OK AI. Editorially reviewed.

सांसद सोबिता गौतमले सरकारले ल्याएको आगामी आर्थिक वर्षको नीति तथा कार्यक्रममा राम्रा सुझावहरू समेटिएको छैन भनी औंल्याइन्।
उनीले आफ्नो संशोधन फिर्ता नलिने बताउँदै, सरकारले राम्रा सुझावहरूलाई ध्यान नदिएकोमा आपत्ति जनाइन्।
गौतमले प्रधानमन्त्री केपी शर्मा ओलीलाई आफ्नो शंकालाई सही सावित गरेकोमा धन्यवाद व्यक्त गरेकी छन्।

२८ वैशाख, काठमाडौं । राष्ट्रिय स्वतन्त्र पार्टी (रास्वपा) सांसद सोबिता गौतमले सरकारले ल्याएको आगामी आर्थिक वर्षको नीति तथा कार्यक्रममा समेटिएका राम्रा सुझावलाई पनि सम्बोधन नभएको बताएकी छिन् ।

आइतबार नीति तथा कार्यक्रममा राखेको आफ्नो संशोधन फिर्ता नलिने जानकारी गराउने क्रममा उनले यस्तो बताएकी हुन् ।

‘मैले नीति तथा कार्यक्रमको छलफलमै भनेको थिएँ, यदी कसैको संशोधन र छलफलमा आएका राम्रा कुरा पनि सरकारले समेट्छ भने मेरो शंकालाई गलत सावित गरिदिन लागि अनुरोध गर्छु,’ सांसद गौतमले भनिन्, ‘तर, कसैको पनि राम्रा सुझावलाई समेट्नुभएन, प्रधानमन्त्रीज्यूले । कसैको पनि राम्रा सुझाव समेट्नुभएन । कसैको पनि संशोधन स्वीकार गर्नुभएन ।’

आफ्नो उक्त शंकालाई सही सावित गरेकोमा प्रधानमन्त्री केपी शर्मा ओलीलाई धन्यवाद दिइन् ।