बोर्डले इलाममा बाल चलचित्र निर्माण प्रशिक्षण कार्यशाला गर्ने

News Summary

Generated by OK AI. Editorially reviewed.

चलचित्र विकास बोर्डले इलाममा बाल चलचित्र निर्माण प्रशिक्षण कार्यशाला आयोजना गर्ने योजना बनाएको छ। यो कार्यशाला कक्षा ७ देखि ९ सम्म अध्ययनरत १५ वर्ष मूनिका बालबालिकाका लागि खुल्ला छ।
कार्यशालामा निर्देशक बद्री अधिकारीसहित विभिन्न विधाका प्रशिक्षकहरूले प्रशिक्षण दिनेछन् र सहभागी हुन अनलाइन वा प्रत्यक्ष आवेदन दिन सकिन्छ।

काठमाडौं । चलचित्र विकास बोर्डले ४ जेठदेखि ८ गतेसम्म इलाममा बाल चलचित्र निर्माण प्रशिक्षण कार्यशाला आयोजना गर्ने भएको छ ।

जिल्लामा रहेका विद्यालय, बाल क्लब, बाल समुदायबाट समावेशी प्रतिनिधित्व हुने गरि कार्यशाला आयोजना गर्न लागिएको बोर्डले विज्ञप्तिमार्फत जनाएको छ । यसको लागि कक्षा ७ देखि ९ सम्म अध्ययनरत १५ वर्ष मूनिका बालबालिकाले सहभागिताको लागि आवेदन दिन सक्नेछन् ।

बोर्डले ३ दिनभित्र आवेदन दिन आह्वान गर्दै अफिसियल वेबसाइटमार्फत सूचना जारी गरेको छ । यसका लागि आवश्यक फर्म वेबसाइटमा उल्लेख छ । सहभागी हुन चाहनेले अनलाइन वा प्रत्यक्ष आवेदन दिन सक्नेछन् ।

निर्देशक बद्री अधिकारीसहित लेखन, छायांकन, सम्पादन र संगीत विधाका ३ जनाले प्रशिक्षण दिनेछन् । नेपाली चलचित्रको विकास, विस्तार र प्रवर्द्धन, चलचित्र साक्षरता अभिवृद्धि, दक्ष चलचित्रकर्मी उत्पादन एवं बालबालिकालाई आफ्ना कथा भन्ने र हेर्ने वातावरण सिर्जना गर्नका लागि कार्यशाला आयोजना गर्न लागिएको जनाइएको छ ।