News Summary
Generated by OK AI. Editorially reviewed.- प्रतिनिधिसभाको शिक्षा, स्वास्थ्य तथा सूचना प्रविधि समितिले विद्यालय शिक्षा विधेयकको प्रतिवेदन आइतबार पेस गर्ने तयारी गरेको छ।
- विधेयकमा निजी विद्यालय र बालविकास ईसीडीको विषयमा सहमति नहुँदा छलफल जारी रहेको छ।
- समितिले विधेयकको प्रतिवेदन तयार गर्न थप समय पाएको भएता पनि अब छलफल अन्त्य गर्नुपर्ने भएको छ।
२ जेठ, काठमाडौं । प्रतिनिधिसभाको शिक्षा, स्वास्थ्य तथा सूचना प्रविधि समितिले विद्यालय शिक्षा विधेयकको प्रतिवेदन आइतबार समितिमा पेस गर्ने भएको छ ।
शुक्रबार प्रतिवेदन लेखनको काम सकिएकाले आइतबार समिति बैठकमा पेस गरिने उपसमितिका एक सदस्यले बताए । ‘प्रतिवेदन सबैको सहमतिमा समितिमा लैजाने निर्णय भएको छ । तर निजी विद्यालय र ईसीडीको विषयमा सहमति भएको छैन । नमिलेका विषय समितिमा छलफल गर्ने सहमति भएको छ,’ ती सदस्यले भने ।
निजी विद्यालयलाई गुठीमा ल्याउने वा नल्याउने भन्नेमा सहमति जुट्न नसकेको हो । निजी विद्यालयलाई कम्पनीबाट गुठीमा ल्याउने विषयमा शिक्षा मन्त्रालय तयार नभएपछि सहमति नभएको समितिका सदस्यहरू बताउँछन् ।
बालविकास ईसीडीलाई विद्यालय तहमा ल्याउने वा स्थानीय तहमा राख्ने भन्नेमा कुरा मिल्न नसकेको हो ।
ईसीडीलाई विद्यालय मातहत राख्न सहमत भए पनि दुई वर्षे ईसीडी र शिक्षकको दरबन्दीमा कुरा नमिलेको हो । ईसीडीका शिक्षकको दरबन्दी स्थानीय तहलाई नै दिनुपर्ने प्रस्ताव मन्त्रालयले राखेको सदस्यहरूको भनाइ छ ।
सांसदहरूले अरु शिक्षक सरह हुनुपर्ने अडान राखेपछि सहमति हुन नसकेको हो । अब सहमति नभएको विषयमा समितिमा छलफल हुनेछ । विधेयकको प्रतिवेदन लेख्न उपसमितिलाई गत २२ वैशाखमा समितिले थप १० दिनको समय दिएको थियो । समय आज सकिएको छ ।
गत चैत ८ गते समितिले उपसमितिलाई ३५ दिनको समय दिएको थियो । दुई पटक गरेर ४५ दिनसम्म उपसमितिले छलफल गर्यो । असार १५ भित्र ऐन ल्याउने गरी शिक्षक महासंघसँग सहमति भएकाले सोही अनुसार समितिले विधेयकको छलफल अगाडि बढाएको हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4