विश्व स्वास्थ्य संगठनको ७९ औं सभामा सहभागी हुन सांसद गौतम जेनेभा प्रस्थान

News Summary

Generated by OK AI. Editorially reviewed.

सांसद सोबिता गौतम स्वीट्जरल्याण्डको जेनेभा प्रस्थान गरेकी छन्।
उनी विश्व स्वास्थ्य संगठनको ७९ औं सभामा सहभागी हुने कार्यक्रम छ।
उनले अन्तर संसदीय संघको स्वास्थ्यसम्बन्धी समितिका सदस्यको रुपमा नेपालका धारणा प्रस्तुत गर्नेछिन्।

५ जेठ, काठमाडौं । राष्ट्रिय स्वतन्त्र पार्टी (रास्वपा) सांसद सोबिता गौतम स्वीट्जरल्याण्डको जेनेभा प्रस्थान गरेकी छिन् ।

विश्व स्वास्थ्य संगठनको ७९ औं सभामा सहभागी हुनका लागि उनी सोमबार त्यसतर्फ प्रस्थान गरेकी हुन् ।

सांसद गौतम अन्तर संसदीय संघ (आईपीयू) को स्वास्थ्यसम्बन्धी समितिको सदस्यको रुपमा उक्त सभामा सहभागी हुन लागेकी हुन् ।

यस क्रममा उनले जेनेभामा संगठनले आयोजना गर्ने विभिन्न कार्यक्रमका सत्रहरूमा सहभागीता जनाउनेछिन् । विश्व स्वास्थ्य संगठनले तय गरेका सत्रहरूमा सहभागी हुँदै सांसद गौतमले स्वास्थ्य क्षेत्रका विविध विषयमा नेपालको तर्फबाट आफ्ना धारणा प्रस्तुत गर्ने कार्यक्रम छ ।

गत चैत अन्तिम साता उज्बेकिस्तानको राजधानी तासकन्दमा आयोजित १५० औं अन्तर संसदीय संघ (आईपीयू) को महासभाबाट उनी आईपीयूको स्वास्थ्यसम्बन्धी सदस्यको रुपमा निर्वाचित भएकी थिइन् ।

विश्व स्वास्थ्य संगठनको सभामा सहभागी हुन नेपालबाट स्वास्थ्य तथा जनसंख्यामन्त्री प्रदीप पौडेल यसअघि नै जेनेभा पुगिसकेका छन् ।