+
+
Shares

चीनसँग डेनमार्कको ‘खुला’ छलफल

‘मैले आफ्ना चिनियाँ सहकक्षीसँग युक्रेनमा रुसको आक्रामक युद्धमा विश्व समुदायले समस्याग्रस्त बताएको चीनको समर्थनलाई रोक्ने बारेमा स्पष्ट कुराकानी गरेको छु।’ डेनमार्कका विदेशमन्त्री लार्स लोक्के रासमुसेनले भनेका छन्

रासस रासस
२०८२ जेठ ५ गते १८:२१

News Summary

Generated by OK AI. Editorially reviewed.
  • डेनमार्कका विदेशमन्त्री लार्स लोक्के रासमुसेनले चीनको साथ युक्रेन युद्ध र रुसको समर्थनबारे स्पष्ट कुराकानी गरेको बताएका छन्।
  • उनले संयुक्त राष्ट्रसङ्घको सुरक्षा परिषद्को जिम्मेवारी अनुसार युद्ध रोक्न बेइजिङलाई आग्रह गरेका छन्।
  • अमेरिकी राष्ट्रपति डोनाल्ड ट्रम्पले ग्रीनल्याण्डको नियन्त्रण आवश्यक भन्दै बल प्रयोगको प्रस्ताव अस्वीकार गरेपछि तनाव बढेको छ।
  • वाङ यीले चीनले डेनमार्कको सार्वभौमिकता र क्षेत्रीय अखण्डताको सम्मान गरेको बताए।
  • डेनमार्कको विदेश मन्त्रालयले ताइवानको जल क्षेत्रमा संयमता देखाउन चीनलाई अपिल गरेको छ।

५ जेठ, काठमाडौं । डेनमार्कका विदेशमन्त्रीले रुसलाई बेइजिङको समर्थन र युक्रेनमा जारी युद्धका बारेमा चिनियाँ समकक्षीसँग ‘स्पष्ट कुराकानी’ भएको बताएका छन् ।

विदेशमन्त्री लार्स लोक्के रासमुसेनले भनेका छन्, ‘मैले आफ्ना चिनियाँ सहकक्षीसँग युक्रेनमा रुसको आक्रामक युद्धमा विश्व समुदायले समस्याग्रस्त बताएको चीनको समर्थनलाई रोक्ने बारेमा स्पष्ट कुराकानी गरेको छु।’

संयुक्त राष्ट्रसङ्घको सुरक्षा परिषद्को स्थायी सदस्यको रूपमा चीनको युद्ध रोक्ने ‘विशेष जिम्मेवारी’ रहेको उल्लेख गर्दै उहाँले मस्कोमा आफ्नो प्रभाव प्रयोग गर्नुको सट्टा युद्ध रोक्न बेइजिङलाई आग्रह गरेको बताए ।

चिनियाँ विदेशमन्त्री वाङ यीसँगको भेटमा अमेरिकी राष्ट्रपति डोनाल्ड ट्रम्पले चाहेको डेनिस स्वायत्त क्षेत्र ग्रीनल्याण्डका बारेमा पनि छलफल भएको थियो ।

अमेरिकी राष्ट्रपति ट्रम्पले सुरक्षाको कारण देखाउँदै ग्रीनल्याण्डको नियन्त्रण आवश्यक रहेको बताउँदै यसको सुरक्षाका लागि बल प्रयोग गर्नका लागि वासिङ्टनको प्रस्तावलाई अस्वीकार गरेपछि डेनमार्क र अमेरिकाबीच तनाव बढेको छ ।

‘चीनले ग्रीनल्याण्डको विषयमा डेनमार्कको सार्वभौमिकता र क्षेत्रीय अखण्डताको पूर्ण सम्मान गर्दछ,’ वाङ यीले आफ्ना डेनिस समकक्षीसँग भेटका क्रममा बताए ।

डेनमार्कको विदेश मन्त्रालयले पनि लोक्केले ताइवानको जल क्षेत्रमा संयमता देखाउन चीन सरकारलाई अपिल गरेको र यथास्थितिमा एकतर्फी परिवर्तनबाट जोगिनुको महत्वमा जोड दिएको बताएको छ ।

दुई देशबीच कूटनीतिक सम्बन्ध स्थापना भएको ७५औँ वर्षगाँठ मनाउन लोक्कले हालै चीनको भ्रमण गरेका थिए ।

लेखक
रासस

रासस (राष्ट्रिय समाचार समिति) नेपालको सरकारी समाचार संस्था हो ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?