२०८२ जेठ ६ गते ७:३७ 
News Summary
Generated by OK AI. Editorially reviewed.- यूएईले कप्तान मुहम्मद वासीमको ८२ रनको ब्याटिङमा बंगलादेशलाई टी-२०आईमा पहिलोपटक हराउँदै दोस्रो खेल २ विकेटले जित्यो।
- बंगलादेशले टस हारेर पहिले ब्याटिङ गर्दै २०५ रन बनाएको थियो, जसमा तन्जिद हसनले ५९ रन गरे।
- युएईको बलिङमा मुहम्मद जवादुल्लाहले ३ विकेट लिँदा सघीर खानले २ विकेट लिए र वासीमलाई म्यान अफ द म्याच घोषित गरियो।
६ जेठ, काठमाडौं । कप्तान मुहम्मद वासीमको शानदार ब्याटिङको मद्दतमा यूएईले बंगलादेशसँगको टी-२० शृंखला अन्तर्गत दोस्रो खेलमा जित हासिल गरेको छ ।
यूएईले बंगलादेशलाई टी-२०आईमा पहिलोपटक हराउने क्रममा सोमबार राति २ विकेटको जित निकालेको हो ।
२०६ रनको चुनौतीपूर्ण लक्ष्य पछ्याएको युएईले १९.५ ओभरमा ८ विकेट गुमाउँदै लक्ष्य पुरा गर्यो। कप्तान मुहम्मद वासीमले आक्रामक ब्याटिङ गर्दै ८२ रन बनाए, जसमा ९ चौका र ५ छक्का समावेश थिए। अर्का ओपनर मुहम्मद जोहेबले ३८ रन बनाएर टोलीलाई राम्रो सुरुवात दिलाए।
त्यसअघि बंगलादेशले टस हारेर पहिले ब्याटिङ गर्दै २० ओभरमा ५ विकेटको क्षतिमा २०५ रन बनाएको थियो। बंगलादेशका लागि तन्जिद हसनले ५९ रन, तौहीद हृिदयले ४५ रन र लिटन दासले ४० रनको योगदान दिए।
बलिङतर्फ युएईका मुहम्मद जवादुल्लाहले ३ विकेट लिँदा सघीर खानले २ विकेट लिए। कप्तान वासीमलाई शानदार प्रदर्शनको आधारमा ‘म्यान अफ द म्याच’ घोषित गरियो।
योसँगै ३ खेलको शृंखला १-१ को बराबरीमा आएको छ । पहिलो खेलमा बंगलादेशले २७ रनको जित निकालेको थियो । सुरुमा २ खेलको मात्र शृंखला हुने भनिएपनि सोमबार अर्को एक खेल मे २१ का लागि थपिएको हो ।
प्रतिक्रिया 4