युवा संघको महाधिवेशनमा निर्वाचन माग गर्दै नाराबाजी

News Summary

Generated by OK AI. Editorially reviewed.

पोखरामा जारी युवा संघको राष्ट्रिय महाधिवेशनमा निर्वाचनको माग गर्दै नाराबाजी भएको छ।
महाधिवेशनमा सर्वसम्मतको प्रयासपछि विभिन्न समूहले छुट्टाछुट्टै प्रदर्शन गरेका हुन्।
आज मनोनयन र भोलि मतदान हुनेछ, प्रहरी परिचालन गरिएको छ।

१० जेठ, पोखरा । युवा संघको राष्ट्रिय महाधिवेशनमा निर्वाचनको माग गर्दै नाराबाजी भएको छ । पोखरामा जारी दशौं राष्ट्रिय महाधिवेशनमा सर्वसम्मतको प्रयास थालिएपछि विभिन्न समूहले छुट्टाछुट्टै नाराबाजी गरेका हुन् ।

निर्वाचनको माग गर्दै क्षितिज थेबे, सुमन पुरी र महाराजा गुरुङ तीनै जनाको समूहले छुट्टाछुट्टै प्रदर्शन गरेको हो ।

५/५ जना आकांक्षी देखिएकाले मतदान नै गराएर स्वच्छ प्रतिस्पर्धा हुन नदिनेमा रणनीतिमा नेताहरू लागेका छन् । धेरै आकांक्षी भएकाले अरुको नाममा सहमति हुन नसकेको भन्दै क्षितिजलाई अध्यक्षमा सर्वसम्मत गराउने रणनीति अपनाइएपछि अवस्था नाराबाजीसम्म पुगेको हो ।

प्रतिनिधि व्यवस्थापन प्रमुख राज गुरुङका अनुसार आज मनोनयन भएर भोलि मतदान हुने छ । महाधिवेशन स्थलमा ठूलै मात्रामा प्रहरी परिचालन समेत गरिएको छ ।

युवा संघको शुक्रबारदेखि पोखरामा जारी महाधिवेशनमा १ हजार ७०० प्रतिनिधि छन् ।