भिजिट भिसा प्रकरणले संसद् प्रभावित (तस्वीरहरु)

प्रतिनिधिसभाको सोमबारको बैठकमा विराेध जनाउँदै विपक्षी दल । तस्वीर : आर्यन धिमाल/अनलाइन खबर ।

News Summary

Generated by OK AI. Editorially reviewed.

भिजिट भिसाको नाममा करोडौं असुलेर मानव तस्करी गरेको विषयले प्रतिनिधिसभाको बैठक प्रभावित भयो।
विपक्षी दलहरूले बैठक सञ्चालनमा अवरोध गरेपछि सभामुखले आधा घण्टाका लागि बैठक स्थगित गरेका छन्।
सांसदहरूले निष्पक्ष छानबिनको माग गर्दै गृहमन्त्रीको राजीनामा मागेका छन् ।

१३ जेठ, काठमाडौं । त्रिभुवन अन्तर्राष्ट्रिय विमानस्थलबाट भिजिट भिसाको नाममा करोडौं असुलेर मानव तस्करी गरिएको विषयले प्रतिनिधिसभाको आजको बैठक प्रभावित भएको छ ।

नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टीलगायतका विपक्षी दलले बैठक सञ्चालनमा अवरोध गरेका छन् ।

विपक्षी सांसदहरूले नारावाजी गर्दै निरन्तर अवरोध गरेपछि सभामुख देवराज घिमिरेले आधा घण्टाका लागि बैठक स्थगित गरेका छन् ।

त्यसअघि उनले माओवादी केन्द्रका सांसद वर्षमान पुन र रास्वपाका सांसद शिशिर खनाललाई बोल्न समय दिएका थिए । दुवैले निष्पक्ष छानबिनका लागि उच्चस्तरीय छानविन समितकिो माग गर्दै राजीनामा दिएर मार्ग प्रशस्त गर्न गृहमन्त्री रमेश लेखकलाई आग्रह गरे ।

गृहमन्त्रीको राजीनामा नआउँदासम्म बैठक चल्न नसक्ने उनीहरूको भनाइ छ ।