२०८२ जेठ २० गते २३:५० 
News Summary
Generated by OK AI. Editorially reviewed.- नेपाली कराते स्टार एरिका गुरुङ विश्व वरियतामा २७औं स्थानमा उक्लेकी छिन् ।
- उनले मोरक्कोको रातवमा भएको कराते वान प्रिमियर लिगमा कांस्य पदक जितेपछि वरियतामा २३ स्थान सुधार गरेकी हुन् ।
- पहिलो पटक प्रिमियर लिग खेल्दै उनले ऐतिहासिक पदक जितेपछि अब अर्को वर्ष स्वतः खेल्ने अवसर पाउनेछिन् ।
२० जेठ, काठमाडौं । नेपाली कराते स्टार एरिका गुरुङ विश्व वरियतामा २७औं स्थानमा उक्लेकी छन् ।
पहिलो पटक कराते वान प्रिमियर लिग खेल्दै ऐतिहासिक कांस्य पदक जितेपछि एरिकाले आफ्नो क्याटेगोरीको वरियतामा फड्को मारेकी हुन् ।
मोरक्कोको रातवमा भएको कराते वान प्रिमियर लिगमा कांस्य पदक जितेकी एरिका महिला ६८ केजीमाथि समूहमा २३ स्थान फड्को मार्दै २७औं स्थानमा उक्लेको करातेका मुख्य प्रशिक्षक कुशल श्रेष्ठले जानकारी दिए ।
पहिलो पटक प्रिमियर लिग खेलेकी एरिकाले पहिलो सहभागितामै ऐतिहासिक पदक जित्दै मंगलबारै स्वदेश फर्किएकी थिइन् । प्रिमियर लिगमा हरेक क्याटेगोरीमा शीर्ष ३२ भित्रका खेलाडीले खेल्ने प्रावधान भएकोले एरिका सुरुमा छनोट नभएपनि पछि रिप्लेसमेन्ट प्लेअरको रुपमा खेल्ने अवसर पाएकी थिइन् । जहाँ वरियतामा माथि रहेका खेलाडीहरुलाई माथ दिँदै एरिकाले पदक जित्न सफल भइन् । मंगलबार स्वदेश पर्किएपछि एरिकाले यो नेपाली करातेमा नयाँ सुरुवात भएको र धेरै गर्न बाँकी रहेको प्रतिक्रिया दिएकी थिइन् ।
एरिकाले अब अर्को वर्ष हुने कराते प्रिमियर लिगहरु स्वत खेल्न पाउनेछिन् ।
प्रतिक्रिया 4