News Summary
Generated by OK AI. Editorially reviewed.- नेकपा एमालेले प्रधानमन्त्रीप्रति प्रतिशोधपूर्ण टिप्पणी नगर्न आग्रह गरेको छ।
- माधवकुमार नेपालले एमाले अध्यक्ष केपी शर्मा ओलीको निर्देशनमा आफूमाथि भ्रष्टाचार मुद्दा दायर भएको आरोप लगाएका थिए।
२२ जेठ, काठमाडौं । नेकपा एमालेले प्रधानमन्त्रीप्रति प्रतिशोधपूर्ण टिप्पणी नगर्न आग्रह गरेको छ ।
एकीकृत समाजवादीका अध्यक्ष एवं पूर्वप्रधानमन्त्री माधवकुमार नेपालले एमाले अध्यक्ष केपी शर्मा ओलीको निर्देशनमा आफूमाथि भ्रष्टाचार मुद्दा दायर भएको आरोप लगाएका थिए ।
नेपालको उक्त भनाइप्रति लक्षित गर्दै एमाले मुख्य सचेतक महेश बर्तौलाले बिहीबार पत्रकारहरूसँग संक्षिप्त प्रतिक्रिया दिँदै प्रधानमन्त्रीप्रति प्रतिशोधपूर्ण आरोप नलगाउन आग्रह गरेका हुन् ।
‘उहाँहरूको प्रतिशोधपूर्ण आरोप हो । अरू केही नभएपछि यस प्रकारको आरोप लगाउने कुरा उपयुक्त होइन । यो स्वयं उहाँहरूको स्वास्थ्यका लागि पनि राम्रो हुँदैन । त्यसकारणले गर्दा सम्मानीय प्रधानमन्त्रीज्यूलाई यस किसिममा रुचि किन राख्नुपर्यो ? संवैधानिक आयोगले गरेका काम प्रक्रियामा प्रधानमन्त्रीले गर्यो भनेर आरोप लगाउँदै जाने र राज्यको अंगहरूमाथि यस प्रकारको फितलो टिप्पणी गर्नु राम्रो होइन,’ उनले भने ।
अख्तियार दुरुपयोग अनुसन्धान आयोगले गरेको काम प्रक्रियाका बारेमा जजमेन्ट गर्ने राज्यका अन्य कानुन बमोजिम निर्माण भएका अदालती संरचनाहरू रहेको उनको भनाइ छ ।
आयोगले गरेका कामकारबाहीप्रति राज्यका अदालती संरचनाहरूबाट उपयुक्त व्याख्या हुने भन्दै उनले सस्तो लोकप्रियताका लागि आलोचना गर्ने पूर्वाग्रही र प्रतिशोधपूर्ण अभिव्यक्ति दिनु उपयुक्त नहुने बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg)
.jpg)
प्रतिक्रिया 4