एमाले लुम्बिनी प्रदेशका ८७ जनाले दिए सामूहिक राजीनामा

News Summary

Generated by OK AI. Editorially reviewed.

लुम्बिनी प्रदेशका ८७ जनाले नेकपा एमालेबाट पार्टी परित्याग गरेका छन्।
उनीहरूले विज्ञप्तिमा एमाले नेतृत्वको आलोचना गर्दै सामूहिक राजीनामा दिएका हुन्।
विज्ञप्तिमा अध्यक्ष र महासचिवको नशा र सामन्तबादी संस्कृतिको आरोप लगाइएको छ।

३० जेठ, काठमाडौं । लुम्बिनी प्रदेशका ८७ जनाले नेकपा एमालेसँगको आवद्धता त्यागेको घोषणा गरेका छन् ।

संयुक्त विज्ञप्ति निकालेर उनीहरूले पार्टी परित्याग गरेको जानकारी दिएका हुन् । लुम्बिनी प्रदेश सभा निर्वाचनमा एमाले उम्मेदवार समेत रहेका गिरीराज केसी संयोजकत्वमा पार्टी छाड्नेहरूमा ५ जना निवर्तमान लुम्विनी प्रदेश कमिटी सदस्य समेत रहेका छन् । बाँकी एमालेको वडा कमिटी भन्दा माथिल्लो कमिटीमा रहेर काम गरिरहेकाहरू रहेकाहरु छन् ।

उनीहरूले विज्ञप्तिमा एमाले पार्टीबाट विद्रोह गर्दै पार्टी सदस्यताबाट सामुहिक राजीनामा दिएको उल्लेख गरेका छन् ।

विज्ञप्तिमा एमाले पार्टी नेतृत्वको आलोचना समेत गरिएको छ । ‘हाम्रो पार्टीका अध्यक्ष र महासचिवहरु चरम नशामा चुर भएर कहिले कर्णाली वासिहरुले चामल देख्न नपाएको त कहिले युवाहरु रहरले विदेश गएका जस्ता बहुलठ्ठीपूर्ण कुराहरु गर्दै हुनुहुन्छ’ अगाडि भनिएको छ, ‘उहाँहरु १८ औं शताब्दीको सामन्तबादी संस्कृतीको आहालमा डुबुल्की मारिरहनु भएको छ ।’