News Summary
Generated by OK AI. Editorially reviewed.- विद्यालय शिक्षा विधेयक १५ असारभित्र संसद्मा पेस गर्न तयारी भइरहेको छ।
- समिति सभापति अम्मरबहादुर थापले सोमबार बैठकको सूचना दिने बताए।
- विवादित विषयहरूमा परामर्श समन्वय उपसमितिले गृहकार्य गरिरहेको छ।
८ असार, काठमाडौं । शिक्षक महासंघसँग भएको सहमति अनुसार विद्यालय शिक्षा विधेयक संसद्मा पेस गर्ने समय एक साता मात्र बाँकी छ ।
१५ असारभित्र विधेयक पेस गर्ने डेटलाइन छ तर प्रतिनिधिसभाको शिक्षा, स्वास्थ्य तथा सूचना प्रविधि समितिको बैठक बस्न सकेको छैन ।
समिति सभापति अम्मरबहादुर थाप भोलि सोमबार बैठकबारे सूचना आउने बताउँछन् ।
‘भोलि एउटा सूचना आउँछ,’ उनले भने । यद्यपि शिक्षा समितिका अनुसार विधेयक १५ असारभित्र नै संसद्मा पेस गर्नेगरी काम भइरहेको छ ।
विधेयकको विवादित विषयमा परामर्श समन्वय उपसमितिले गृहकार्य गरिरहेको छ । सोमबारसम्म उपसमितिले टुंगो लगाएर समितिको बैठक बोलाउने तयारी छ ।
‘सभापतिको अध्यक्षतामा उपसमितिको बैठक बस्छ । १५ असारभित्र नै संसद्मा पेस गर्नेगरी काम भइरहेको छ,’ समितिको एक सदस्यले भने ।
एमाले संसाद एवं यसअघि गठित उपसमितिका संयोजक छविलाल विश्वकर्मालाई पनि विवादित विषयमा सूक्ष्म अध्ययन गर्ने जिम्मा दिइएको छ ।
शिक्षा समितिका अनुसार शिक्षा मन्त्रालय, कानुन मन्त्रालय र समितिको सचिवालय पनि यसैमा सक्रिया भएर काम गरिरहेको छ ।
‘सबै पक्षबीच छलफल र गृहकार्य भइरहेको छ । उपसमितिले विवादति विषयमा टुंगो लगाएपछि समितिको बैठक बसेर पास गर्ने योजना छ,’ समितिका एक सदस्यले भने ।
निजी विद्यालय गुठी र कम्पनी अन्तर्गत स्थापना र सञ्चालन, ईसीडी, अस्थायी प्रकृतिका शिक्षकको आन्तरिक ६० र खुला ४० प्रतिशत, एसईई, शिक्षा विभाग, जिल्ला शिक्षा कार्यालय शैक्षिक गुणस्तर परीक्षण प्राधिकरण लगायतका विषय पेचिलो बनेको हो । यी विषयमा परामर्श समन्वय समितिले सहमतिको प्रयास गरिरहेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4