२०८२ असार १० गते ८:५४ 
News Summary
Generated by OK AI. Editorially reviewed.- इन्टर मियामी र पाल्मेइरास फिफा क्लब विश्वकपको अन्तिम १६ मा प्रवेश गरेका छन्।
- समूह ए अन्तर्गतको खेलमा दुवै टोलीले २-२ को बराबरी खेलेर अंक बाँडे।
- मियामीले २ गोलको अग्रता जोगाउन नसक्दा खेल बराबरीमा टुंगियो।
१० असार, काठमाडौं । इन्टर मियामी र पाल्मेइरास फिफा क्लब विश्वकपको अन्तिम १६ मा प्रवेश गरेका छन् ।
मंगलबार विहान भएको समूह ए अन्तर्गतको खेलमा दुवै टोलीले २-२ गोलको बराबरी खेल्दै अंक बाडेपनि दुवै टोली अघि बढेका हुन् ।
खेलमा २ गोलको अग्रता लिएपनि मियामीले अन्तिमसम्म अग्रता जोगाउन नसक्दा जित भने निकाल्न सकेन ।
१६औं मिनेटमा ताडियो एलेन्डेले गोल गर्दै मियामीलाई अग्रता दिलाएका थिए । ६५औं मिनेटमा लुइस स्वारेजको गोलमा मियामीले अग्रता दोब्बर पारेको थियो ।
तर ८०औं मिनेटमा पाउलिन्हो र ८७औं मिनेटमा माउरिसियोले गोल गर्दै पाल्मेइरासको हार टारे ।
यो नतिजापछि समूह ए मा दुवैको ३ खेलमा ५ अंक भएको छ । दुवै टोली अन्तिम १६ मा प्रवेश गरे । पाल्मेइरास भने गोलअन्तरमा अघि रहेर समूहविजेता बन्यो ।
यसै समूहको अर्को खेलमा पोर्टो र अल अहलीले ४-४ गोलको रोमाञ्चक बराबरी खेले ।
प्रतिक्रिया 4