News Summary
Generated by OK AI. Editorially reviewed.- गायक रामकृष्ण ढकालले निर्माण गर्न लागेको फिल्म ‘मालती मंगले’को मुख्य भूमिकामा विजय बराल र वर्षा राउत अनुबन्धित भए।
- निर्माण टोलीले भदौको पहिलो सातादेखि ४० दिनको छायांकन सुरु गर्ने र २०८२ सालको अन्त्यतिर प्रदर्शन हुने योजना बनाएको छ।
- फिल्म पारिवारिक प्रेमकथामा आधारित हुनेछ र यसमा विजय र वर्षाले तीन महिना अन्य फिल्म नगर्ने प्रतिबद्धता जनाएका छन्।
काठमाडौं । गायक रामकृष्ण ढकालले निर्माण गर्न लागेको फिल्म ‘मालती मंगले’को शीर्ष भूमिकामा अभिनेता विजय बराल र अभिनेत्री वर्षा राउत अनुबन्धित भएका छन् ।
शुक्रबार बराल र राउतसँग निर्माताले कागजी सम्झौता गरेका हुन् । रानी म्युजिक इन्टरनेसनल प्रालिको ब्यानरमा निर्माण हुन लागेको फिल्मलाई प्रकु पाण्डेयले निर्देशन गर्नेछन् ।
पटकथा तथा संवाद संयोग गुरागाईँले लेखेका हुन् । कार्यकारी निर्माता सागर ज्ञवाली हुन् भने छायाङ्कन निर्देशकमा महेश पौडेल छन् ।
रोमी तण्डुकारको सम्पादन, कृष्ण भण्डारीको रङ्ग संयोजन, राजेन्द्र थापाको गीत रचना र राजनराज सिवाकोटीको सङ्गीत निर्देशन हुनेछ । निर्देशक पाण्डेयका अनुसार यो फिल्म पारिवारिक प्रेमकथामा आधारित हुनेछ ।
यो फिल्मको लागि विजय र वर्षाले राउतले ३ महिना अन्य फिल्म नगर्ने भएका छन् । चरित्र निर्माणको लागि उनीहरूले यो अवधि व्यतित गर्ने जनाइएको छ ।
भदौको पहिलो सातादेखि ४० दिनको तालिकासहित छायांकन सुरु हुने कार्यकारी निर्माता ज्ञवालीले बताए । २०८२ सालको अन्त्यतिर फिल्मको प्रदर्शन हुने जनाइएको छ ।
४ हजारभन्दा धेरै गीतमा स्वर दिएका गायक ढकालले पहिलोपटक यो फिल्म निर्माण गर्न लागेका हुन् । २०५८ सालमा प्रदर्शन भएको फिल्म ‘आशीर्वाद’मा उनले अभिनय गरेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4