२०८२ असार १७ गते १४:१८ 
News Summary
Generated by OK AI. Editorially reviewed.- रौनक श्रीवास्तवले ५०-ओभर क्रिकेटमा १६८ रन बनाउँदै नेपाली खेलाडीको सर्वाधिक व्यक्तिगत स्कोर बनाएका छन्।
- उनले भुटानसँगको खेलमा १३२ बलमा १६ चौका र ५ छक्कासहित उक्त कीर्तिमान स्थापित गरे।
- नेपालले यसपछि मलेसियासँग सेमिफाइनल खेल्ने तयारी गरेको छ।
१७ असार, काठमाडौं । नेपाली यू-१६ क्रिकेट टोलीका ब्याटर रौनक श्रीवास्तवले ५० ओभरको खेलमा सबैभन्दा उच्च व्यक्तिगत स्कोर बनाउने नेपाली खेलाडीको कीर्तमान बनाएका छन् ।
रौनकले मंगलबार भएको भुटानसँगको खेलमा उक्त कीर्तिमान बनाएका हुन् । उनले १३२ बलमा १६ चौका र ५ छक्कासहित १६८ रन बनाएका थिए ।
नेपाली खेलाडीले ५०-ओभर (एकदिवसीय) क्रिकेटको कुनैपनि प्रतियोगितामा बनाएको यो सर्वाधिक व्यक्तिगत स्कोर हो ।
यसअघि सन् २०२३ अक्टोबरमा भएको एसीसी यू-१९ प्रिमियर कपमा अर्जुन कुमालले साउदी अरेबियाविरुद्ध १४३ रन बनाएका थिए ।
रौनकले यसअघि इन्डोनेसियासँगको खेलमा ८८ रन बनाउँदै शतकबाट १२ रनले चुकेका थिए । त्यस्तै जापानसँग ब्याटिङ नगरेका उनले सिंगापुरसँग ४० रन बनाएका थिए ।
नेपालमा गत महिना भएको यू-१६ राष्ट्रिय क्रिकेटमा लुम्बिनी प्रदेशबाट खेल्दै उनले गण्डकी प्रदेशविरुद्ध दोहोरो शतक पनि बनाएका थिए ।
रौनक श्रीवास्तवको शानदार शतकपछि बलरहरूको शानदार प्रदर्शनमा नेपालले समूह चरणको अन्तिम खेलमा भुटानमाथि फराकिलो जित निकालेको छ ।
नेपालले अब सेमिफाइनलमा मलेसियासँग खेल्ने छ ।
प्रतिक्रिया 4