News Summary
Generated by OK AI. Editorially reviewed.- सांसद सुदन किराँतीले हतारमा त्रुटिपूर्ण कानुन बनाउन नहुने बताए।
- उनले नेपाल नागरिक उड्डयन विधेयकको आवश्यकतालाई जोड दिए।
- नेपाल युरोपियन युनियनको कालोसूचीबाट नहट्दा अन्तर्राष्ट्रिय छवि प्रभावित हुने उनको भनाइ थियो ।
२० असार, काठमाडौं । नेकपा माओवादी केन्द्रका सांसद सुदन किराँतीले लामो समयदेखि कानुन बनेको छैन भन्दैमा हतार हतार त्रुटिपूर्ण कानुन बनाउन नहुने बताएका छन् ।
अन्तर्राष्ट्रिय सम्बन्ध र पर्यटन समितिको शुक्रबारको बैठकमा बोल्दै उनले यस्तो बताएका हुन् । बैठकमा नेपाल नागरिक उड्डयन प्राधिकरण विधेयक, २०८१ माथि सैद्धान्तिक छलफल चलिरहेको छ । १२ वर्षभन्दा लामो समयदेखि आवश्यक कानुन बन्न नसकेको चर्चा गर्दै उनले तर हतारमा त्रुटिपूर्ण कानुन बनाउन नहुने धारणा राखे ।
छलफलमा सहभागी सांसद किराँतीले नेपाल नागरिक उड्डयनलाई प्रभावकारी सेवा र विकासको लागि विधेयक धेरै महत्वपूर्ण रहेको बताए । नेपाल कालोसूचीबाट नहट्दा नेपाल कामै नगर्ने देश हो भनेर अन्तर्राष्ट्रिय स्तरमा सन्देश गइरहेको उनको भनाइ छ ।
‘नेपाल युरोपियन युनियनको कालोसूचीमा परेको छ,’ उनले भने, ‘यसले प्रत्यक्ष प्रभाव पर्ने गरी नेपाल वायुसेवा निगमलाई मात्रै हो । अरुसँग त जहाँज छैन । अरु विदेशी जहाँज त रोकेको पनि छैन । नेपाल ध्वजावाहकलाई मात्रै रोकेको हो । त्यसैले नेपाल कामै नगर्ने देश हो भनेर अन्तर्राष्ट्रिय सन्देश गइरहेको छ । यसमा हामी सबै चिन्तित हुनुपर्छ ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4