२५ असार, काठमाडौं । ऋण असुली न्यायाधीकरणका नवनियुक्त अध्यक्षसहित सदस्यले पदभार ग्रहण गरेका छन् । बुधबार नवनियुक्त अध्यक्ष सहित सदस्यहरूले पदभार ग्रहण गरेका हुन् ।
पदभार ग्रहण गरेसँगै सञ्चारकर्मीसँग कुरा गर्दै न्यायाधीकरणका अध्यक्ष कृतिबहादुर बस्नेतले सहकारीले उठाउनुपर्ने ऋण उठाउन चुनौतीपूर्ण रहेको बताए । आफूहरू स्थापनाको चरणमा रहेको र काम छिट्टै कार्यान्वयन गर्ने बताए ।
विभिन्न अदालतमा सहकारीका ऋणसम्बन्धी मुद्दा रहेको भन्दै ती मुद्दा न्यायाधीकरणमा पनि आउने उनले बताए । सुरुमा नै मुद्दाको चाप बढ्ने देखिएको उनको भनाइ छ ।
‘काम गर्न कुनै कठिनाइ भए सहयोग लिएर भए पनि काम गर्ने गर्ने छौं,’ उनले भने । बचतकर्ताले बचत फिर्ता नपाउने विकराल स्थितिबाट उनीहरूको बचत फिर्ता गराउनु आफूहरूको उद्देश्य रहेको उनको भनाइ छ ।
उनले सबै क्षेत्राधिकार आफूहरूलाई रहेको बताए । बस्नेतको अध्यक्षतामा गठित न्यायाधीकरण सदस्यमा धनकुटाका बसन्त पराजुली र तनहुँका गोविन्द शर्मा गैरे छन् ।
भूमि व्यवस्था, सहकारी तथा गरिबी निवारण मन्त्रालयको प्रस्तावमा सरकारले न्यायाधीकरण गठन गरेको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4