२०८२ असार ३२ गते १८:१८ 
३२ असार, काठमाडौं । सुदूरपश्चिम रोयल्सले नेपाल प्रिमियर लिग (एनपीएल) को थप २ सिजनका लागि धनगढीस्थित एसपीए कलेजसँगको साझेदारीलाई निरन्तरता दिएको छ। गत सिजनमा पनि एसपीए कलेज टिमको ‘एजुकेसन पार्टनर’को रूपमा रहेको थियो।
सुदूरपश्चिमाञ्चल एकेडेमी सञ्चालन गर्दै आएको एसपीए कलेज शिक्षा र खेलकुदलाई सँगसँगै अघि बढाउने उद्देश्यका लागि लामो समयदेखि सक्रिय छ।
हालै, एसपीए कलेजले एसीसी यु–१६ इस्ट जोन कप जित्न योगदान दिने सुदूरपश्चिमका दुई युवा खेलाडी सचिन भट्ट र सुशील रावललाई जनही रु २५,००० पुरस्कार दिएको थियो। सुशील रावल गत सिजनको ‘ट्यालेन्ट हन्ट’मार्फत सुदूरपश्चिम रोयल्स हिरोज टिममा छनोट भएका थिए।
सुदूरपश्चिम रोयल्सका प्रमुख कार्यकारी अधिकृत प्रकाश खड्काले सहकार्यका लागि शाहीप्रति आभार व्यक्त गरेका छन् ।
प्रतिक्रिया 4