२०८२ साउन ८ गते १७:१७ 
News Summary
Generated by OK AI. Editorially reviewed.- नेपाल स्ट्रीट प्रिमियर लिगमा सहभागी हुन इच्छुक खेलाडीका लागि दर्ता प्रक्रिया खुला गरिएको छ।
- दर्ता शुल्क ब्याटर र बलरका लागि रु. १ हजार र अलराउन्डरका लागि रु. १ हजार २०० तोकिएको छ।
- खेलाडी दर्ता गर्ने अन्तिम मिति आगामी भदौ ८ गतेसम्म रहेको छ।
८ साउन, काठमाडौं । नेपालको सबैभन्दा ठूलो टी–१० क्रिकेट प्रतियोगिता नेपाल स्ट्रीट प्रिमियर लिग (एनएसपीएल)मा सहभागी हुन इच्छुक खेलाडीका लागि दर्ता प्रक्रिया खुला गरिएको छ ।
डीजीआर स्पोर्ट्स एण्ड इभेन्ट म्यानेजमेन्ट प्रा.लिको आयोजनामा हुन लागेको प्रतियोगितामा सहभागी हुन इच्छुक खेलाडीहरूले आफ्नो नाम एनएसपीएलको आधिकारिक वेबसाइट वा खल्ती एपमार्फत दर्ता गराउन सक्नेछन्।
दर्ता शुल्क ब्याटर र बलरका लागि रु. १ हजार तोकिएको छ भने अलराउन्डरका लागि रु. १ हजार २०० निर्धारण गरिएको छ।
खेलाडी दर्ता गर्ने अन्तिम मिति आगामी भदौ ८ गतेसम्म रहेको छ।
एनएसपीएलका लागि टिम दर्ता प्रक्रिया पनि सुरु गरिसकिएको छ।
प्रतिक्रिया 4