News Summary
Generated by OK AI. Editorially reviewed.- म्युचुअल फन्डले आर्थिक वर्ष २०८१/८२ को नाफाबाट इकाइधनीलाई नगद लाभांश घोषणा गर्न थालेका छन्।
- लक्ष्मी म्युचुअल फन्डको खुलामुखी योजना शुभ लक्ष्मी कोषले १६ प्रतिशत नगद लाभांश घोषणा गरेको छ।
- सिद्धार्थ र एनआईबीएल म्युचुअल फन्डले क्रमशः ८ र ७ प्रतिशत नगद लाभांश घोषणा गरेका छन्।
१३ साउन, काठमाडौं । म्युचुअल फन्डले इकाइधनीलाई धमाधम लाभांश घोषणा गर्न थालेका छन् ।
गत आर्थिक वर्ष २०८१/८२ सम्मको नाफाबाट इकाइधनीलाई फन्डले नगद लाभांश घोषणा गर्न थालेका हुन् । खुलामुखी म्युचुअल फन्डले घोषणा गरेको नगद लाभांश पुनः थप इकाइमा लगानी गर्न सकिनेछ । हालसम्म तीन वटा खुलामुखी योजनाले लाभांश घोषणा गरेका छन् । घोषित लाभांश करसहित हो ।
लक्ष्मी म्युचुअल फन्डअन्तर्गत सञ्चालित खुलामुखी योजना शुभ लक्ष्मी कोषले इकाइधनीलाई १६ प्रतिशत नगद लाभांश घोषणा गरेको छ । साउन १२ गतेसम्म कायम रहेका इकाइधनीले लाभांश पाउने छन् । खुलामुखी योजना भएकाले यो लाभांश पुनः थप इकाइमा लगानी गर्न सकिनेछ ।
त्यस्तै सिद्धार्थ म्युचुअल फन्डअन्तर्गत सञ्चालित सिद्धार्थ व्यवस्थित लगानी योजनाले पनि इकाइधनीलाई ८ प्रतिशत नगद लाभांश घोषणा गरेको छ । साउन ११ गतेसम्म कायम इकाइधनीले यो लाभांश पाउने छन् । यो पनि खुलामुखी योजना भएकाले पाउने लाभांश थप इकाइमा लगानी गर्न सकिने योजना व्यवस्थापक सिद्धार्थ क्यापिटलले जनाएको छ ।
एनआईबीएल म्युचुअल फन्ड अन्तर्गत सञ्चालित एनआईबीएल सहभागिता फन्डले पनि इकाइधनीलाई ७ प्रतिशत नगद लाभांश घोषणा गरेको छ । साउन ५ गतेसम्म कायम इकाइधनीले लाभांश पाउने छन् ।
साथै यस कोषको आकार ६ अर्ब पुगेको छ । नियामक धितोपत्र बोर्डबाट योजनाको आकार वृद्धिको स्वीकृति पश्चात उपरोक्त लाभांश वितरण गरिने योजना व्यवस्थापक एनआईएमबी एस क्यपिटलले स्पष्ट पारेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4