स्पेन प्रकरण : महाराजगञ्जस्थित एक ट्राभल्समा सीआईबीको छापा

News Summary

Generated by OK AI. Editorially reviewed.

प्रहरीको केन्द्रीय अनुसन्धान ब्यूरोले महाराजगञ्जस्थित भिजिट अबरोड टुर्स एन्ड ट्राभल्समा मानव तस्करी आरोपमा छापा मारेको छ।
छानबिन समितिले केही कागजात र डिजिटल डिभाइस नियन्त्रणमा लिएर अनुसन्धान सुरु गरेको छ।
प्रधानमन्त्री केपी शर्मा ओलीको स्पेन भ्रमणसँग सम्बन्धित मानव तस्करी आरोप संसदमा पनि उठेको थियो।

१३ साउन, काठमाडौं । भिजिट भिसामा स्पेन पठाएर मानव तस्करी गरेको आरोपमा छानबिन गरिरहेको प्रहरीले एक ट्राभल्समा छापा मारेको छ ।

प्रहरीको केन्द्रीय अनुसन्धान ब्यूरो (सीआईबी) को टोलीले महाराजगञ्जमा रहेको भिजिट अबरोड टुर्स एन्ड ट्राभल्समा छापा मारेको हो ।

सीआईबीका एसएसपी होविन्द्र बोगटी नेतृत्वको छानबिन समितिले उक्त ट्राभल्समा छापा मारेर केही कागजातहरू लिएको छ ।

सीआईबी स्रोतका अनुसार केही कागजात र डिजिटल डिभाइसहरू नियन्त्रणमा लिएर अनुसन्धान सुरु गरिएको हो ।

यो पनि पढ्नुहोस

स्पेन प्रकरणबारे छानबिन गर्न सीआईबीका एसएसपीको नेतृत्वमा समिति

प्रधानमन्त्री केपी शर्मा ओलीको स्पेन भ्रमणलाई लक्षित गरेर यूएनको कार्यक्रममा भन्दै ट्राभल्स र एनजीओहरूले स्पेनमा मान्छे पठाएर मानव तस्करी भएको आरोप छ ।

संसद्‍मा समेत यो विषयले प्रवेश पाएपछि एसएसपी बोगटीको नेतृत्वमा छानबिन समिति बनेको थियो । उक्त समितिले अहिले काम गरिरहेको छ ।