अस्कर कलेजले साउन १५ देखि नाटक ‘दोरुम्बा’ मञ्चन गर्ने

News Summary

Generated by OK AI. Editorially reviewed.

अस्कर कलेजको साधना घर प्रेक्षालयमा साउन १५ गतेदेखि २४ गतेसम्म 'दोरुम्बा' नाटक मञ्चन हुने भएको छ।
नाटक 'दोरुम्बा' माओवादी द्वन्द्वकालमा राज्यपक्ष र विद्रोही पक्षबीच पिसोलिएका जनताको कथा प्रस्तुत गर्ने सुमनकुमार वाग्लेले लेखेका हुन्।
नाटकलाई १६औँ ब्याचका विद्यार्थी युदीप सिटौलाले निर्देशन गर्नेछन् र हरेक दिन साँझ ५ः१५ बजे मञ्चन हुनेछ।

काठमाडौं । दुई दशकदेखि फिल्म अध्यापन गराउँदै आएको अस्कर कलेजको ‘साधना घर’ प्रेक्षालयमा साउन १५ गतेदेखि ‘दोरुम्बा’ नामक नाटक मञ्चन हुने भएको छ ।

माओवादी द्वन्द्वकालमा राज्यपक्ष र विद्रोही पक्षको बिचमा पिसोलिएका जनताको कथा पेश गर्ने नाटकलाई सुमनकुमार वाग्लेले लेखेका हुन् ।

कलेजका विभिन्न ब्याचका विशेषतः अभिनय विशिष्टीकरणका विद्यार्थीको संलग्नता रहेको नाटकलाई १६औँ ब्याचका विद्यार्थी युदीप सिटौलाले निर्देशन गर्नेछन् ।

साउन १५ देखि २४ गतेसम्म हरेक दिन साँझ ५ः१५ बजे मञ्चन हुने नाटक शनिबारका दिन भने १ः१५ बजेको अतिरिक्त समयमा पनि मञ्चन हुने जनाइएको छ ।

साधना घरमा यसअघि आधा दर्जनभन्दा धेरै नाटक मञ्चन भइसकेका छन् भने भविष्यमा पनि निरन्तर मञ्चन हुने कलेज प्रशासनले जनाएको छ ।