२०८२ साउन १६ गते २१:२१ 
News Summary
Generated by OK AI. Editorially reviewed.- त्रिपुरेश्वरस्थित राष्ट्रिय खेलकुद परिषद हातामा रहेको कभर्डहलको पुनर्निर्माणपछि शुक्रबार पहिलो पटक भलिबल खेल खेलिएको छ।
- राखेपका सदस्य सचिव टंकलाल घिसिङले नेपाली भलिबलको विकासका लागि अन्तर्राष्ट्रिय स्तरको मैत्रीपूर्ण भलिबल म्याच आयोजना गर्ने प्रस्ताव राख्नुभयो।
- उहाँले खेलकुदको विकासका लागि सबै पक्षको सहकार्य आवश्यक रहेको उल्लेख गर्दै थप अन्तर्राष्ट्रिय प्रतियोगिताहरू आयोजना गर्ने प्रतिबद्धता जनाउनुभयो।
१६ साउन, काठमाडौं । त्रिपुरेश्वरस्थित राष्ट्रिय खेलकुद परिषद हातामा रहेको कभर्डहलको पुनर्निर्माणपछि शुक्रबार पहिलो पटक भलिबल खेल खेलिएको छ ।
नेपाली भलिबल खेलाडी, नेपाल भलिबल संघका पदाधिकारी देखि राष्ट्रिय खेलकुद परिषदका सदस्य सचिव ट्कलाल घिसिङ लगायत राखेप कर्मचारीहरूको त्यहाँ उपस्थिति रहेको थियो ।
अन्तर्राष्ट्रिय स्तरको बनेपछि पहिलो पटक कभर्डहलमा खेल हुँदा उपस्थित खेलाडी, प्रशिक्षक, पदाधिकारी, दर्शक लगायत सबै उत्साहित थिए ।
पुरुष र महिला दुवैतर्फ नेपाल रातो र नेपाल निलो टिम बनाएर मैत्रीपूर्ण खेल खेलाइएको हो ।
कार्यक्रममा बोल्दै राखेपका सदस्य सचिव टंकलाल घिसिङले नेपाली भलिबलको विकास र खेलाडीको क्षमता अभिवृद्धिका लागि अन्तर्राष्ट्रिय स्तरको मैत्रीपूर्ण भलिबल म्याच आयोजना गर्ने प्रस्ताव राखे ।
उनले नेपालमा खेलकुदको विकासका लागि सबै पक्षको सहकार्य आवश्यक रहेको उल्लेख गर्दै आगामी दिनमा थप अन्तर्राष्ट्रिय प्रतियोगिताहरू आयोजना गर्ने प्रतिबद्धता जनाए ।
तस्वीरहरू
प्रतिक्रिया 4