नेपालमा ‘सैयारा’को कमाइ ९ करोड नाघ्यो

News Summary

Generated by OK AI. Editorially reviewed.

बलिउड फिल्म ‘सैयारा’ले नेपालमा ९ करोड रुपैयाँ ग्रस कमाइ गरेको छ।
यो फिल्म सन् २०२५ मा अहिलेसम्म सर्वाधिक कमाइ गर्ने विदेशी फिल्म बनेको छ।
फिल्मले आगामी सप्ताहन्तसम्म १० करोड रुपैयाँ ग्रस कमाइ पार गर्ने सम्भावना छ।

काठमाडौं । बलिउड फिल्म ‘सैयारा’को नेपाल कलेक्सन ९ करोड रुपैयाँ ग्रस नाघेको छ । फिल्मले आइतबार बेलुकासम्म ‘सिनेपाः बक्सअफिस’मा उक्त कमाइ गरेको हो ।

योसँगै ‘सैयारा’ सन् २०२५ मा अहिलेसम्म सर्वाधिक कमाइ गर्ने विदेशी फिल्म बनेको छ । नयाँ रिलिज भएका अन्य फिल्मले पनि ‘सैयारा’को कमाइको गतिलाई प्रभावित पारेको देखिँदैन ।

यही गति कायम रहे, आगामी सप्ताहन्तको आसपासमा फिल्मले १० करोड ग्रसको आँकडा पार गर्न सक्ने देखिन्छ । ‘सैयारा’बाहेक भारतीय एनिमेटेड फिल्म ‘महावतार नरसिंहा’ले पनि पछिल्लो सप्ताहन्तमा उत्कृष्ट कमाइ गरेको देखिएको छ ।

‘आशिकी’जस्ता रुचाइएका फिल्म निर्देशन गरेका मोहित सुरीको यो पछिल्लो ब्लकबस्टर निर्देशकीय फिल्म हो । सशक्त संगीत र नयाँ फ्रेस कलाकारको सहभागिताले फिल्मलाई अझै रुचिकर बनाएको छ ।

फिल्म हिट भएसँगै अहान पाण्डे र अनित पड्डा एकाएक स्टार बनेका छन् ।