एलिनाको दुर्गा अवतार

News Summary

Generated by OK AI. Editorially reviewed.

गायिका एलिना चौहानले सामाजिक संजालमा दुर्गा भगवतीको अवतारमा फोटो सार्वजनिक गरेकी छन्।
उनले आफ्नो फोटोमा 'आँखामा करुणाभाव, हातमा शक्ति, त्यो नै मा दुर्गा हुन्' लेखेकी छन्।
एलिना तीजका गीतमा व्यस्त भएकी छन् र उनको पोस्टमा फ्यान र कलाकारले टिप्पणी गरिरहेका छन्।

काठमाडौं । गायिका एलिना चौहान आफ्ना कन्टेन्टमार्फत सामाजिक संजालमा चर्चामा हुन्छिन् । उनी पछिल्लो समय नीजि जीवनले चर्चामा रहिन् । विगतलाई भुलेर अघि बढ्न खोजेजस्तो देखिन्छ ।

विहिबार सामाजिक संजालमा सार्वजनिक उनको नयाँ फोटो चर्चायोग्य छ । जहाँ उनलाई दुर्गा भगवतीको अवतारमा देख्न सकिन्छ । नजिकिँदो तीज पर्वलाई झल्काउने उनको उक्त फोटोले दशैं र तीज भाइब्स प्रदान गर्छ ।

जिब्रो बाहिर निकालेर त्रिशुल समातेकी एलिना दुर्गा अवतारमा देखिएकी छन् । उनको क्याप्सन पनि अर्थपूर्ण छ- उनको आँखामा करुणाभाव, हातमा शक्ति, त्यो नै मा दुर्गा हुन् ।’

उनले यो क्याप्सनमार्फत आफू समस्यासँग विचलित नभई अघि बढ्न खोजेको भावमा भन्ने खोजेको बुझिन्छ ।

उनले अर्को फोटो पनि पोस्ट गरेकी छन् । जहाँ लेखिएको छ, ‘ नारी कोमल छन्, तर कमजोर होइनन् । शक्तिको प्रतीक हुन् । सहनशीलताको उदाहरण हुन् र परिवर्तनको स्रोत हुन् ।’

एलिनाको यो पोस्टमा फ्यानसहित कलाकारले पनि टिप्पणी गरिरहेका छन् । कामको कुरा गर्दा, एलिना तीजका गीतमा अहिले ब्यस्त छिन् ।