तेलुगु फिल्मका कामदार हड्तालमा, छायांकन रोकियो

News Summary

Generated by OK AI. Editorially reviewed.

तेलुगु फिल्म उद्योगका कामदारहरू ८ दिनदेखि ३० प्रतिशत ज्याला वृद्धिको माग गर्दै हडतालमा छन्।
सुपरस्टार चिरञ्जीवीले कामदारहरूलाई भेटेर समस्या समाधान गर्ने आश्वासन दिएका छन् तर अहिलेसम्म भेटेको छैनन्।
तेलुगु फिल्म चेम्बरले मात्र सबै पक्षसँग सामूहिक छलफल गरेर निष्पक्ष समाधान गर्ने जनाएको छ।

मुम्बई । भारतको तेलुगु फिल्म उद्योगका कामदारहरू विगत ८ दिनदेखि हडतालमा छन् । उनीहरूले पारिश्रमिक वृद्धिको माग गरेका छन् ।

दक्षिण भारतीय सुपरस्टार चिरञ्जीवीले कामदारहरूलाई भेटेर माग पुरा गर्ने आश्वासन दिएको भारतीय संचारमाध्यमले जनाएका छन् ।

यद्यपि, चिरञ्जीवीले यी रिपोर्टहरूलाई निराधार भनेका छन् । आफूले अहिलेसम्म कामदारहरूलाई नभेटेको तर, भेटेर समस्या समाधानमा पहल गर्ने बताएका छन् ।

उनी अघि लेख्छन्, ‘तेलुगु फिल्म उद्योगको सर्वोच्च निकाय फिल्म चेम्बर हो र फिल्म चेम्बरले मात्र सबै सम्बन्धित पक्षहरूसँग सामूहिक रूपमा छलफल गर्नेछ र निष्पक्ष समाधानमा पुग्नेछ ।’

तेलुगु उद्योग मजदुर महासंघले ३० प्रतिशत ज्याला वृद्धिको माग गर्दै अगस्टको पहिलो हप्तादेखि हडताल सुरु गरेको छ । यो हडतालका कारण तेलुगु फिल्मको छायांकन रोकिएको छ ।

मजदुरहरूले आफ्नो तलब नबढेसम्म छायांकन सुरु नगर्ने माग गरिरहेका छन् ।

कामदारको तलब बढाउने विषयमा तेलुगु फिल्म चेम्बर र तेलुगु फिल्म निर्माता परिषद् र श्रमिक महासंघबीच केही महिनादेखि छलफल भइरहेको छ । तर, लामो छलफलपछि पनि कुनै नतिजा निस्कन सकेको छैन ।