पशुपतिमा पूजा गर्दै रेखा थापाले घोषणा गरिन् फिल्म ‘३६ को आँकडा’

News Summary

Generated by OK AI. Editorially reviewed.

अभिनेत्री रेखा थापाको होम प्रोडक्सनमा फिल्म '३६ को आँकडा' निर्माण हुने भएको छ र शनिबार पशुपति मन्दिरमा शुभसाइत पूजा गरिएको छ।
फिल्ममा रेखा थापा र पूजा शर्मा शीर्ष भूमिकामा छन् र सविर श्रेष्ठले निर्देशन गर्दैछन् भने छायांकन सोमबारदेखि सुरु हुने जनाइएको छ।
रेखाले भनिन्, 'हरेक घरभित्र सुक्ष्म किसिमको महाभारत चलिरहेको छ' र फिल्ममा महेश त्रिपाठी र पुष्प खड्काले पनि अभिनय गर्नेछन्।

काठमाडौं । अभिनेत्री रेखा थापाको होम प्रोडक्सनमा फिल्म ‘३६ को आँकडा’ निर्माण हुने भएको छ । शनिबार पशुपति मन्दिरमा शुभसाइत पूजा गरियो ।

त्यसअघि रेखाले सामाजिक संजालबाट पहिलो झलक सार्वजनिक गरेकी छन् । पोस्टरमा रेखा र अभिनेत्री पूजा शर्मालाई फिचर्ड गरिएको छ । फिल्मलाई सविर श्रेष्ठले निर्देशन गर्दैछन् ।

फिल्मको शीर्ष भूमिकामा रेखा र पूजाले अभिनय गर्दैछन् । पोस्टरमा प्रहरी अधिकारीको भूमिकामा प्रस्तुत भएकी रेखाले पूजालाई हत्कडी लगाएर नियन्त्रणमा लिएको देखिन्छ ।

पोस्टरमा रेखाको अनुहारमा संघर्षपछि प्राप्त विजयको अभिव्यक्ति देखिन्छ भने पक्राउ परेकी पूजाको अनुहारमा अझै टक्कर जारी रहेको भाव झल्किन्छ ।

शुभसाइत पूजापछि रेखाले भन्नि, ‘हरेक घरभित्र सुक्ष्म किसिमको महाभारत चलिरहेको छ । प्रेमपूर्वक प्रदर्शन हुँदैछ । सबै ‘३६ को आँकडा’ झगडा मात्र होइन, त्यहाँ प्रेम पनि हुन्छ ।’

छायांकन सोमबारदेखि सुरु हुने जनाइएको छ । फिल्ममा महेश त्रिपाठी र पुष्प खड्काले पनि अभिनय गर्नेछन् ।

निर्देशक श्रेष्ठ र अभिनेत्री थापाले यसअघि रामप्यारी, तथास्तु, काली, इशारा, कसले चोर्‍यो मेरो मनजस्ता फिल्ममा सहकार्य गरेका छन् ।