रजनीकान्तको फिल्म करिअर ५० वर्ष पुरा, बधाई दिँदै मोदीले भने : प्रतिष्ठित

News Summary

Generated by OK AI. Editorially reviewed.

प्रधानमन्त्री नरेन्द्र मोदीले सुपरस्टार रजनीकान्तलाई भारतीय सिनेमामा ५० वर्ष पूरा गरेकोमा बधाई दिएका छन्।
मोदीले रजनीकान्तको चलचित्र यात्रालाई 'प्रतिष्ठित' भएको उल्लेख गर्दै निरन्तर सफलता र दीर्घायुको शुभकामना दिएका छन्।
रजनीकान्तले मोदीलाई धन्यवाद दिँदै यस्तो शुभकामना पाउनु ठूलो सम्मान भएको बताएका छन्।

चेन्नई । प्रधानमन्त्री नरेन्द्र मोदीले सुपरस्टार रजनीकान्तलाई भारतीय सिनेमामा ५० वर्ष पूरा गरेकोमा बधाई दिँदै उनको यात्रालाई ‘प्रतिष्ठित’ भएको बताएका छन् ।

मोदीले एक्समा लेखेका छन्, ‘थलैवालाई चलचित्र क्षेत्रमा ५० गौरवमयी वर्ष पूरा गरेकोमा बधाई । उहाँको चलचित्र यात्रा साँच्चिकै प्रतिष्ठित छ, जसमा स्मरणीय पात्रहरू र अद्भुत अभिनयहरूले पुस्तौँसम्म करोडौँ दर्शकमाथि गहिरो छाप छोडेका छन् । उहाँको निरन्तर सफलता, स्वास्थ्य र दीर्घायुको शुभकामना गर्दछु ।’

मोदीलाई प्रतिक्रिया दिँदै रजनीकान्तले धन्यवाद व्यक्त गरेका छन् । ‘आदरणीय प्रधानमन्त्रीज्यू, तपाईंको हार्दिक शुभकामनाका लागि म अत्यन्त आभारी छु । मैले लामो समयदेखि उच्च सम्मान गर्दै आएको नेताबाट यस्ता शुभकामना पाउनु मेरो लागि ठूलो सम्मान हो । तपाईंको उदार शब्दहरूका लागि धन्यवाद । जय हिन्द ।’

सन् १९७५ मा के. बालाचन्दर निर्देशित ‘अपूर्व रागांगल’ फिल्मबाट आफ्नो करियर सुरु गरेका रजनीकान्त आज पनि आफ्नै शैली र स्टारडमका कारण भारतभर चर्चित छन् ।

यो अवसरमा विभिन्न राजनीतिक नेता, चलचित्रकर्मी र प्रशंसकहरूले पनि उनलाई शुभकामना दिएका छन् ।