भोटेकोशी–१ जलविद्युत् आयोजनाको हेडरेस सुरुङ ‘ब्रेक थ्रु’

News Summary

Generated by OK AI. Editorially reviewed.

सिन्धुपाल्चोकको भोटेकोशी गाउँपालिकामा ४४ मेगावाट क्षमताको भोटेकोशी–१ जलविद्युत् आयोजनाको हेडरेस सुरुङ \'ब्रेक थ्रु\' भएको छ।
इलेक्ट्रो पावर कम्पनीले करिब १० अर्ब रुपैयाँ लगानीमा आयोजना निर्माण गरिरहेको छ।
आयोजना निर्माणको करिब ८० प्रतिशत काम सकिएको र एक वर्षभित्रै सम्पन्न गर्ने योजना रहेको प्रवर्द्धक कम्पनीका अध्यक्ष मोहनविक्रम कार्कीले बताए।

९ भदौ, काठमाडौं । सिन्धुपाल्चोकको भोटेकोशी गाउँपालिकामा निर्माणाधीन भोटेकोशी– १ जलविद्युत् आयोजनाको हेडरेस सुरुङ ‘ब्रेक थ्रु’ भएको छ । सोमबार एक समारोहबीच सुरुङको ब्रेक थ्रु घोषणा गरिएको हो ।

४४ मेगावाट क्षमताको उक्त आयोजना इलेक्ट्रो पावर कम्पनीले करिब १० अर्ब रुपैयाँ लगानीमा निर्माण गरिरहेको हो ।

आयोजना अन्तर्गत ड्याम र पावर हाउस भोटेकोशी गाउँपालिका ३ र ४ मा बन्नेछन् ।

आयोजना निर्माणको काम एक वर्षभित्रै सक्नेगरी अघि बढाइएको प्रवर्द्धक कम्पनीका अध्यक्ष मोहनविक्रम कार्कीले बताए । कार्कीका अनुसार आयोजनाको करिब ८० प्रतिशत काम सकिएको छ ।

निर्धारित मितिभन्दा पहिल्यै काम सम्पन्न गरेको भन्दै जलविद्युत् आयोजना प्रवर्द्धक कार्कीलाई यसअघि विद्युत् विकास विभागले सम्मान पनि गरेको थियो ।