सोसल मिडिया बन्दको विरोधमा ‘कमेडी नाइट् विथ च्यापिन्यन्स’ : शो अस्ट्रेलियाबाट अपलोड हुने

News Summary

Generated by OK AI. Editorially reviewed.

सरकारले सामाजिक संजाल बन्द गर्ने कदमको विरोधमा 'कमेडी नाइट विथ च्याम्पियन्स'ले अस्ट्रेलियाबाट एपिसोड युट्युबमा अपलोड गर्ने निर्णय गरेको छ।
निर्देशक विशाल भण्डारीले सरकारको कदमलाई निरकुशता भनेका छन् र जेन-जी आन्दोलनमा शोका कमेडियनहरू सहभागी हुने जानकारी दिएका छन्।
'कमेडी दरबार' टिभी रियालिटी शोले पनि शुक्रबारदेखि प्रसारित कार्यक्रम विदेशबाटै अपलोड गर्ने जनाएको छ।

काठमाडौं । सामाजिक संजाल बन्द गर्ने सरकारी कदमको लोकप्रिय टिभी शो ‘कमेडी नाइट विथ च्याम्पियन्स’ले सांकेतिक प्रतिवाद गर्ने भएको छ ।

शोले विदेशबाटै एपिसोडलाई युट्युबमा अपलोड गर्ने जनाएको छ । शुक्रबारदेखि प्रसारण हुने शो अस्ट्रेलियाबाट अपलोड गरिने निर्माता तथा निर्देशक विशाल भण्डारीले जनाए ।

‘सरकारको कदमको सांकेतिक प्रतिवाद हामीले विदेशबाटै शो अपलोड गरेर गर्दैछौं । यो सिम्बोलिक विरोध हो’ उनले भने ।

‘सरकार निरकुंशतातिर अघि बढेको गन्ध आइरहेको छ । यसलाई सशक्त प्रतिवाद गर्न जरुरी छ’ भण्डारीले भने । उनले सोमबारदेखि काठमाडौंमा सुरु हुने जेन-जीको आन्दोलनमा पनि शोको ऐक्यबद्धता रहेको बताए ।

उनले उक्त आन्दोलनमा शोका कमेडियनहरू सहभागी हुने बताए । ‘सरकारको कदमले जनताले विरोध गर्नुभएको छ । यसले कन्टेन्ट क्रिएटरको दैनिक जीवनलाई असर पारेको छ’ उनले भने ।

नागरिककको व्यवसायिक गतिविधिलाई ध्यान नदिइकन सरकारले हचुवामा निर्णय गरेको भण्डारीको भनाइ छ ।

यसैबीच, अर्को टिभी रियालिटी शो ‘कमेडी दरबार’ले पनि शुक्रबार प्रसारित शो विदेशबाटै अपलोड गरेको छ ।