विजय बराल दम्पतीलाई दोस्रो सन्तान लाभ

News Summary

Generated by OK AI. Editorially reviewed.

अभिनेता विजय बरालकी पत्नी प्रमिलाले बागबजारस्थित मोडल अस्पतालमा दोस्रो सन्तानलाई जन्म दिइन्।
विजयले फेसबुकमा नयाँ सन्तानको खबर साझा गर्दै 'परिवारमा सदस्यको रुपमा लक्ष्मीको आगमन भएको' जानकारी दिए।
विजयले दशैंपछि मुस्ताङमा 'कबड्डी ५' को छायांकन सुरु हुने बताए।

काठमाडौं । अभिनेता विजय बराललाई पुत्रीलाभ भएको छ । उनकी पत्नी तथा अभिनेत्री प्रमिलाले आज बिहान बागबजारस्थित मोडल अस्पतालमा सन्तानलाई जन्म दिइन् ।

उनीहरूको यो दोस्रो सन्तान हो । यसअघि छोरा छन् ।

नयाँ सन्तान लाभपछि विजयले अनलाइनखबरसँग भने, ‘म एकदमै खुसी छु । मालती मंगलको सुटिङबाट ब्रेक लिएर आएको हुँ ।’

उनले फेसबुकबाट फोटो सेयर गर्दै प्रशंसकलाई यसबारे जानकारी दिएका छन् ।

उनी लेख्छन्, ‘आज जीवनले फेरि एउटा कविता लेखिदियो प्रिय प्रमिला ।
न्यानो सास, मनमा चलेको बेजोड ढुकढुकि र आमाको थाकेको अनुहारबीच जन्मिएको फेरि एउटा नयाँ संसार । परिवारमा सदस्यको रुपमा लक्ष्मीको आगमन भएको सुखद जानकारी गराउन चाहेँ । धन्यवाद ममी डा. अरुणा कार्की एण्ड टिम ।’

विजय अहिले रामकृष्ण ढकालले निर्माण गरिरहेको फिल्म ‘मालती मंगले’मा ब्यस्त छन् । दशैं लगत्तै मुस्ताङमा ‘कबड्डी ५’को छायांकन चल्नेछ ।